Onlayn ictimai-siyasi qəzet
Kolumbiya polisi dörd ton kokain müsadirə edib
Kolumbiya polisi Kartagena liman şəhərində dörd ton kokain müsadirə edib və bununla bağlı 30 nəfəri saxlayıb.
"Azərtac" Kolumbiya mediasına istinadla xəbər verir ki, bu barədə ölkə prezidenti Qustavo Petro bildirib.
Prezident narkotik vasitələrin alveri ilə məşğul olan kartellərə müraciət edərək onların qarşısında yalnız iki seçim olduğunu deyib: onlar ya zorla dayandırılacaq, ya da ticarəti dayandırmaq üçün ədalətə müraciət edəcəklər.
Bu il avqustun 7-də prezident səlahiyyətlərinin icrasına başlayan Qustavo Petro ölkə daxilində sülhə nail olmağın vacibliyini və istənilən qruplaşma ilə danışıqlara hazır olduğunu dəfələrlə bəyan edib. Həmçinin o, seçki kampaniyası zamanı ABŞ-la sıx əməkdaşlıq şəraitində həyata keçirilən narkotiklərlə mübarizə siyasətinin effektivliyini şübhə altına alıb.
XƏBƏR LENTİ
04 Oktyabr 2024
ŞƏRHLƏRŞƏRH YAZ