Onlayn ictimai-siyasi qəzet
Kərkiyə görə ermənilərdən çox narahat olan iranlı "professor"
Tehranın “Əllamə Təbatəbayi” Universitetinin beynəlxalq əlaqələr üzrə professoru, siyasi ekspert Ehsan Movəhhediyan diqqət çəkən fikirlər səsləndirib.
Ermənipərəst və anti-Azərbaycan mövqeyi, bədnam siyasi şərhləri ilə seçilən Movəhhediyan özünün sosial media hesabında yazıb ki, "Kərki kəndinin Bakıya verilməsi Ermənistan üçün yalnız intihar deməkdir".
Movəhhediyandan Tehrana çağırış: "İrəvanla iqtisadi əlaqələrə daha ciddi yanaşın"Azərbaycana "Bakı Respublikası" deməklə həddini aşan iranlı ekspert Paşinyanın məlum açıqlamasından sonra ermənilərdən çox narahatlıq keçirdiyin gizlətməyib: "Paşinyan "Bakı Respublikasının" iddia etdiyi kəndləri qaytarmağa hazır olduğunu bildirib. Həmin kəndlərdən birinin adı Kərkidir və düz İran-Ermənistan tranzit yolunun üzərində yerləşir. Onun Bakıya təqdim edilməsi (Əslində qaytarılması-red.) Ermənistan üçün yalnız intihar deməkdir. Cənab Paşinyan, əvəzində bir şey almadan hara qədər geri çəkilmək istəyirsən?".
Qeyd edək ki, Ermənistanın baş naziri Nikol Paşinyan “Azatutyun”a (“Azadlıq Radiosu”-red.) müsahibəsində deyib ki, ölkəsi Azərbaycanın işğal altında olan 8 kəndini qaytarmağa hazırdır.
“Əgər Azərbaycan hazırdırsa, biz də hazırıq. 1975-ci ilin xəritələrinə görə sərhəd xəttini bütün uzunluğu boyunca tanımağa hazır olduğumuzu deyirik”,- Paşinyan əlavə edib.
XƏBƏR LENTİ
28 Sentyabr 2024
ŞƏRHLƏRŞƏRH YAZ