Onlayn ictimai-siyasi qəzet
“Ağıllı” yol tikilir: Hərəkəti süni intellekt idarə edəcək
ABŞ-nin Miçiqan ştatında “ağıllı” avtomobil yolunun tikintisi üzrə pilot layihəyə start verilib.
Musavat.com xəbər verir ki, bu, “Cavnue” şirkəti tərəfindən həyata keçirilir.
İlkin olaraq yolun 3000 metr hissəsinin tikintisi nəzərdə tutulur. Burada infrastruktura qoşulmuş avtomobillərin sürücüləri yoldakı vəziyyət barədə dəqiq məlumat alacaq. Nəticədə Nəqliyyat Nazirliyi yaranan problemlərə operativ reaksiya verə biləcək.
Magistral yolda 200 metr intervalla hesablama və sensor modulları olan dirəklər və lazımi rabitə avadanlıqları quraşdırılacaq.
Bundan əlavə, yol süni intellektlə sonrakı emal üçün marşrutun hissələrinin fotoşəkillərini çəkəcək və kameralarla təchiz ediləcək.
Şəkillərə əsasən, neyron şəbəkə təhlükəli sürücülük şəraiti ilə bağlı xəbərdarlıqlar yaradacaq.
“Cavnue” şirkətinin nümayəndələri iddia edirlər ki, lazımi avadanlıqları olan istənilən avtomobil yola qoşula biləcək.
Layihənin pilot hissəsi başa çatdıqdan sonra smart magistralın 40 kilometrə qədər uzadılması planlaşdırılır.
Bu cür yollar Birləşmiş Ştatlar üçün əsl yenilikdir, baxmayaraq ki, digər ölkələrdə, məsələn, Britaniyada ilk “ağıllı” yollar 10 il əvvəl yaranmağa başlayıb.
Şahanə Rəhimli,
Musavat.com
XƏBƏR LENTİ
28 Sentyabr 2024
ŞƏRHLƏRŞƏRH YAZ