Onlayn ictimai-siyasi qəzet
İtaliya XİN başçısı: “Azərbaycan təkcə energetika sahəsində tərəfdaşımız deyil”
“Azərbaycan təkcə energetika sektorunda deyil, digər sahələrdə də İtaliyanın tərəfdaşıdır”.
“Report” xəbər verir ki, bunu İtaliyanın xarici işlər naziri Luici Di Mayo Bakıda Azərbaycan XİN başçısı Ceyhun Bayramovla görüşündən sonra keçirilən mətbuat konfransında deyib.
“Mən burada olmaqdan çox şadam, xüsusən də ölkələrimiz arasında diplomatik münasibətlərin qurulmasının 30-cu ildönümündə”, - Luici Di Mayo bildirib.
Onun sözlərinə görə, COVID-19 pandemiyasının dünya ölkələrinin iqtisadiyyatlarına təsir göstərməsinə baxmayaraq, xoşbəxtlikdən son vaxtlar iqtisadi artım müşahidə olunur.
İtaliya XİN başçısı qeyd edib ki, bugünkü görüşdə Ukraynadakı vəziyyət də müzakirə olunub. Onun sözlərinə görə, Ukraynadakı müharibə bu ölkənin mülki əhalisi arasında çox sayda itkilərə səbəb olub, eyni zamanda İkinci Dünya Müharibəsindən sonra ən böyük humanitar fəlakətə gətirib çıxarıb. “Rusiyaya qarşı sanksiyalar Avropanın enerji məsələlərinə təsir edir, ona görə də Aİ-nin enerji tərəfdaşları ilə əlaqələrin gücləndirilməsi çox vacibdir”, - Luici Di Mayo söyləyib.
XƏBƏR LENTİ
04 Oktyabr 2024
03 Oktyabr 2024
ŞƏRHLƏRŞƏRH YAZ