Onlayn ictimai-siyasi qəzet
İmamı öldürmək istəyən şəxs cəzasının yüngülləşdirilməsini istədi – Məhkəmə qərar verdi
Bakı Apellyasiya Məhkəməsində “Məşədi Dadaş” məscidinin imamı Əli Şərbətova qarşı sui-qəsdə cəhd etmiş Elşən Hüseynovun barəsindəki hökmdən verdiyi apellyasiya şikayətinə baxılıb.
Musavat.com xəbər verdi ki, DTX tərəfindən həbs edilən Elşən Hüseynov 18 il müddətə azadlıqdan məhrum edilib.
Aparılan araşdırmalarla müəyyən olunub ki, 2023-cü ilin dekabrın 30-da Elşən Hüseynov Nəsimi rayonunda yerləşən “Məşədi Dadaş” məscidinə bıçaqla daxil olaraq oranın imamı olan və ictimai xadim sayılan Əli Şərbətovun xidməti fəaliyyətinə son qoymaq niyyəti ilə ona sui-qəsd etmək qərarına gəlib.
Elşən Hüseynov Əli Şərbətovun otağına daxil olmaq istəyərkən məscidin xidmətçisi Rəsul Həsənli onun qarşısını alıb. Bu zaman Elşən Hüseynov Rəsul Həsənlini qəsdən öldürmək məqsədilə ona çoxsaylı bıçaq xəsarətləri yetirib.
Elşən Hüseynov Rəsul Həsənlinin müqaviməti səbəbindən Əli Şərbətovun xidməti otağına girə bilməyib. Bu səbəbdən o, Əli Şərbətova sui-qəsd istəyini reallaşdıra bilməyib.
Elşən Hüseynova DTX tərəfindən AR Cinayət Məcəlləsinin 29, 120.2.3 (zərərçəkmiş şəxsin xidməti vəzifəsini yerinə yetirməsi ilə əlaqədar onun özünü öldürməyə cəhd), 29, 120.2.6 (başqa cinayətin törədilməsini yüngülləşdirmək məqsədilə adam öldürməyə cəhd) 29, 120.2.7 (iki və ya daha çox şəxsi öldürməyə cəhd), 29, 120.2.11 (Terrorçuluqla əlaqədar adam öldürməyə cəhd), 29, 120.2.12 (dini ədavət niyyəti ilə adam öldürməyə cəhd) və 277-ci (İctimai xadimin həyatına sui-qəsd etmə) maddələri ilə ittiham irəli sürülüb. Elşən Hüseynovun apellyasiya şikayəti hakim Emin Mehdiyevin sədrliyi ilə araşdırılıb.
Qərara əsasən, onun apellyasiya şikayəti təmin edilməyib.
E.MƏMMƏDƏLİYEV,
Musavat.com
XƏBƏR LENTİ
10 Aprel 2025
09 Aprel 2025
ŞƏRHLƏRŞƏRH YAZ