Onlayn ictimai-siyasi qəzet
İki ağır xəstəliklə mübarizə aparan Nurayın dəstəyə ehtiyacı var
11 yaşlı Nurayın yardımsevər şəxslərin dəstəyinə ehtiyacı var.
Bu barədə Oxu.Az-a onun anası Səbinə Salahova məlumat verib.
O bildirib ki, övladı serebral iflic və ürək xəstəliyindən əziyyət çəkir:
"Nurayın on bir yaşı var. O doğularkən həkimin əlindən düşdüyü üçün beyni zədələnib və iflic keçirib. Beyin tam işləmədiyi üçün bağırsağa siqnal ötürə bilmir. Buna görə də onun qarnı şişir, halı pisləşir. Əvvəl bu problemi müəyyən dərmanlarla həll etsək də, hazırda o dərman belə Nuraya xeyir etmir. Qarın şişdikcə dəhşətli ağrı verir. Uşağın ağlamaqdan gözləri şişir. Nurayın ürəyində yırtıq olduğu üçün o, Türkiyədə ağır ürək əməliyyatı keçirib".
Gənc ana övladının müalicəsi üçün dəstək istəyib:
"Nuray dəfələrlə sizin saytın izləyicilərinin dəstəyi ilə Türkiyədə müayinəyə gedib. Nurayın dərmanları gecikdikcə, vəziyyəti ağırlaşır. Nurayı Türkiyəyə aparmağa imkanımız olmadığı üçün həkim telefon vasitəsilə nə dərmanlar almalı olduğumuzu deyir, sifariş edirik. Mənim üç övladım var. Əvvəl günü 10-15 manata yuxa yayırdım. İndi səhhətim buna da imkan vermir. İnanın, həkim dərmanlar yazıb, almıram ki, əsas Nurayı müalicə edə bilim. Anamın 78 yaşı var, əvvəl mənə dəstək olmaq üçün yollarda limon və gül satırdı. İndi onun da səhhəti pis olduğu üçün işləyə bilmir. Nurayın pensiyası və mənim qazandığım günlük pulla dolanırıq. Yardımsevər şəxslərdən bizə yenidən dəstək olmalarını xahiş edirik".
Ailə ilə əlaqə: (077) 325-61-47.
"Kapital Bank": 4169 7388 2994 1768.
XƏBƏR LENTİ
31 Mart 2025
ŞƏRHLƏRŞƏRH YAZ