Onlayn ictimai-siyasi qəzet
HƏMAS Təl-Əvivə raket zərbələri ENDİRDİ
Qəzza zolağından atəşə tutulduqdan sonra İsrailin mərkəzində sirenlər səslənib.
Musavat.com xəbər verir ki, bu barədə İsrail Müdafiə Qüvvələrinin (IDF) mətbuat xidməti məlumat yayıb.
Məlumatda bildirilir ki, Təl-Əvivin daxil olduğu Quş Dan bölgəsində və Ha-Şfela rayonunda həyəcan siqnalı verilib. İDF qeyd edib ki, zərbələr Qəzzanın cənub hissəsindən endirilib.
"İsrail Müdafiə Ordusu bir raketi uğurla zərərsizləşdirib, digər iki raket isə açıq əraziyə düşüb", – deyə açıqlamada bildirilib.
Bundan əvvəl HƏMAS-ın hərbi qanadı olan "Əl-Qəssam" briqadaları Təl-Əvivə M90 raketləri ilə hücum etdiyini açıqlayıb. HƏMAS hücumun "mülki vətəndaşların kütləvi qətliamına" cavab olaraq həyata keçirildiyini bildirib.
Qeyd edək ki, 2025-ci ilin əvvəlində İsrail və HƏMAS Misir, Qətər və ABŞ-ın vasitəçiliyi ilə atəşkəs sazişi imzalayıb. Martın 18-nə keçən gecə İDF HƏMAS və İslami Cihadın "terrorçu hədəflərinə" hücumlar barədə məlumat verib. Martın 20-də İsrail Müdafiə Qüvvələri Qəzza zolağının mərkəzi və cənubunda quru əməliyyatlarına başlayıb. İsrail ordusu “təhlükəsizlik zonasının genişləndirilməsini” və eksklavın şimalında və cənubunda “qismən buferin yaradılmasını” əsas məqsədləri adlandırıb.
Musavat.com
XƏBƏR LENTİ
21 Mart 2025
20 Mart 2025
ŞƏRHLƏRŞƏRH YAZ