Onlayn ictimai-siyasi qəzet
Hakim partiyanın deputatı zorlamaya görə həbs olundu
Britaniya polisi hakim Leyboristlər Partiyasının deputatı Den Norrisi həbs edib.
Musavat.com "The Sun" qəzetinə istinadən xəbər verir ki, deputat azyaşlıya qarşı seksual xarakterli cinayətlər törətməkdə şübhəli bilinir.
Qəzetin yazdığına görə, sözügedən cinayətlər təxminən 20 il əvvəl törədilib.
İşi araşdıran Eyvon və Somerset qraflığı polisindən bildirildiyinə görə, 2024-cü ilin dekabr ayında başqa qraflığın polis idarəsi qızlara qarşı keçmişdə cinsi cinayətlərin törədilmısi iddiası ilə bağlı işi onlara yönləndirib: "Bunların əksəriyyətinin 2000-ci illərdə baş verdiyi güman edilir, lakin biz 2020-ci illərə aid zorlama iddialarını da araşdırırıq."
Leyboristlər Partiyasının katibliyi Norrisin cümə günü həbs olunduğu xəbəri çıxandan dərhal sonra vəzifəsindən kənarlaşdırıldığını bildirib.
65 yaşlı Norris ilk dəfə 1997-ci ildə İcmalar Palatasına seçilib və 2010-cu ilə qədər çalışıb. 2009-2010-cu illərdə Qordon Braun hökumətində (2007-2010) Ətraf Mühit üzrə Dövlət Katibinin müavini vəzifəsində çalışıb. 2024-cü ilin iyulunda Norris yenidən parlamentə seçilib. 2021-ci ildən o, İngiltərənin Qərbi Britaniya Birləşmiş Yerli Hakimiyyətinin rəhbəri vəzifəsində çalışır.
Musavat.com
XƏBƏR LENTİ
06 Aprel 2025
ŞƏRHLƏRŞƏRH YAZ