Onlayn ictimai-siyasi qəzet
Google ABŞ hökumətinə təklif verdi – Əks halda, Chrome əlindən çıxacaq
Google şirkəti bazarda dominant mövqeyi ilə bağlı narahatlıqları həll etmək və ABŞ Ədliyyə Nazirliyinin tövsiyə etdiyi Chrome brauzerinin satışının qarşısını almaq üçün məhkəməyə bir sıra güzəştlər təklif edib.
Musavat.com xarici agentliklərə istinadən xəbər verir ki, xüsusilə Google müxtəlif platformalarda müxtəlif standart axtarış sistemlərinin quraşdırılmasına icazə verməyə hazırdır ki, bu da xüsusilə Apple Inc. iPhone və iPad üçün digər standart axtarış imkanlarını genişləndirəcək.
Google həmçinin ildə ən azı bir dəfə bu platformalarda defolt axtarış sistemini dəyişmək seçimini təklif edir.
Eyni zamanda, brauzerlər Google-u defolt axtarış sistemi kimi təyin etmək imkanını saxlamalı və onların sahibləri belə tərəfdaşlıqdan pul qazanmalıdırlar.
Bundan əlavə, internet nəhəngi cihaz istehsalçıları və onun digər tərəfdaşlarına özünün qabaqcıl süni intellekt məhsulu olan Gemini chatbotunu ABŞ-da yaymaq öhdəliyinə üç il qadağa qoyulmasını təklif edir. Google Chrome vasitəsilə istifadəçiləri Gemini-yə yönləndirir.
Qeyd edək ki, ötən ay ABŞ Ədliyyə Nazirliyi internet axtarış sənayesinin inhisarlaşdırılması problemini həll etmək üçün şirkətin Chrome brauzerini satması yolu ilə Google-un bölünməsini tələb edib.
Ədliyyə Nazirliyi hesab edir ki, Google axtarış sistemini və internetə çıxışı təmin edən məhsulları, məsələn, Chrome və Android mobil cihazları üçün əməliyyat sistemini bir-birindən ayırsa, vəziyyəti düzəltmək olar.
Nazirlik məhkəməyə müraciət edərək, Chrome-u satmağın zəruriliyini, həmçinin Android üçün məhdudiyyətlərin tətbiqini israr edir.
Bu ilin əvvəlində Google şirkəti axtarış xidmətləri sahəsində rəqabətin qarşısını almaq ittihamı üzrə Ədliyyə Nazirliyinin ona qarşı qaldırdığı işi məhkəmədə uduzub. Qərardan apelyasiya verilsə də şirkətin qələbəsini əksəriyyət çətin hesab edir.
Ədliyyə Nazirliyinin Google-a qarşı yeni iddiası üzrə məhkəmə prosesi apreldə başlayacaq və qərarın avqustda çıxarılması gözlənilir.
Musavat.com
ƏLAQƏLİ XƏBƏRLƏR
XƏBƏR LENTİ
24 Dekabr 2024
ŞƏRHLƏRŞƏRH YAZ