Onlayn ictimai-siyasi qəzet
Erməni sahibkar Rusiya ilə Türkiyə arasında bərə əlaqəsini bərpa edir
Rusiyanın Soçi şəhəri ilə Türkiyənin Trabzon şəhəri arasında avtosərnişin bərə xidməti 13 ildən sonra bərpa edilir.
Musavat.com Rusiya mətbuatına istinadən xəbər verir ki, ilk reys rəsmi olaraq 23 yanvar 2025-ci il tarixinə planlaşdırılır.
Rusiya Qara Dəniz Sənayeçilər və Sahibkarlar İttifaqının direktorlar şurasının üzvü, bu bərə marşrutunu təşkil edən və xidmət göstərən “SVS Shipping” MMC-nin baş direktoru Sergey Turkmenyan bildirib ki, marşrutla axırıncı bərə 2011-ci ildə hərəkət edib: “Ondan əvvəl 1993-cü ildən 2011-ci ilə qədər 5 sərnişin bərəsi var idi. İndi rəsmi olaraq ilk reys yanvarın 23-nə planlaşdırılıb. Həmin gün Trabzondan çıxacaq, 24-ü səhər Soçidə olacaq”.
O, Komor Adaları İttifaqının bayrağı altında fəaliyyət göstərən Seabridge bərəsinin artıq Türkiyədə Trabzon yaxınlığındakı limanlarda olduğunu, burada texniki xidmət və hazırlıq işlərinin tamamlanmaq üzrə olduğunu bildirib.
Musavat.com
XƏBƏR LENTİ
04 Fevral 2025
ŞƏRHLƏRŞƏRH YAZ