Onlayn ictimai-siyasi qəzet
Emin Ağalarov qızı Afina ilə videosunu paylaşdı
Məşhur müğənni, xalq artisti və iş adamı Emin Ağalarov sosial şəbəkə izləyicilərini duyğulandıran yeni paylaşımı ilə gündəmə gəlib. Musavat.com xəbər verir ki, sənətçi bu dəfə kiçik qızı Afina ilə birlikdə çəkilmiş emosional videosunu yayımlayıb.
Görüntülərdə Emin Ağalarov qızı Afina ilə əl-ələ tutaraq günbatan fonunda sahilboyu gəzinti edir. Paylaşımda “ata-qız sevgisi” mövzusunda seçilmiş Rus dilində nostalji ruhlu mahnı da yer alıb və bu, videoya duyğusal çalar qatıb.
Xalq artisti videonu paylaşarkən xüsusi açıqlama verməsə də, onun son zamanlarda ailəsinə daha çox zaman ayırdığı, şəxsi həyatında uşaqlarına və ailəsinə daha bağlı bir mərhələyə keçdiyi müşahidə olunur.
Qeyd edək ki, Emin Ağalarovun Afina adlı bu qızı onun ikinci evliliyindən doğulub. Müğənni əvvəlki nikahından olan əkiz övladları Əli və Mikayılla da tez-tez görüntülənir. O, həmçinin bir neçə dəfə valideynlik mövzusunda açıqlamalar verərək övladlarının həyatındakı yerinin sənətdən də önəmli olduğunu vurğulayıb.
Hazırda Emin Ağalarov musiqi karyerası ilə yanaşı “Crocus Group” biznes imperiyasının idarəsində də fəal rol alır. Həm iş dünyasında, həm də sənət arenasında uğurlarını davam etdirən sənətçi ailə həyatını da diqqətdə saxladığını bu cür paylaşımlarla göstərir.
Musavat.com olaraq əlavə edirik ki, Emin Ağalarov son illər özünü Nardaran kəndi ərazisində inşa etdirdiyi “Sea Breeze” layihəsinə həsr edib. Bu genişmiqyaslı yaşayış və istirahət kompleksi bu gün Azərbaycan mediasında və sosial şəbəkələrdə ən çox müzakirə olunan mövzulardan biridir.
Musavat.com oxucularına həmin duyğusal videonun görüntüsünü təqdim edir.
@@TVmusavat/115063@@
Musavat.com
XƏBƏR LENTİ
15 May 2025
14 May 2025
ŞƏRHLƏRŞƏRH YAZ