Onlayn ictimai-siyasi qəzet
Əhaliyə NARINCI HƏYƏCAN XƏBƏRDARLIĞI - Sabahdan etibarən...
Aprel ayında Yer kürəsində bir neçə geomaqnit qasırğası gözlənilir. Bu qasırğaların xüsusilə meteohəssas insanlara və texnoloji sistemlərə təsir edəcəyi proqnozlaşdırılır.
Musavat.com xəbər verir ki, aprelin 5-də başlayacaq ilk geomaqnit qasırğası G3 səviyyəsində, yəni orta güclü olacaq. Bu qasırğa texnoloji avadanlıqlara təsir edə bilər və meteohəssas insanlarda ciddi narahatlıq və stress yarada bilər.
Aprelin 6 və 7-də maqnit aktivliyi bir qədər azalacaq, lakin aprelin 8-dən 10-dək ardıcıl olaraq üç gün boyunca 5 ballıq maqnit qasırğalarının davam edəcəyi proqnozlaşdırılır. Bu müddət ərzində meteohəssas insanlar öz sağlamlıqlarına diqqət yetirməlidirlər.
Aprelin ikinci yarısında isə maqnit sahəsində qısamüddətli sakitlik və kiçik partlayışlar olacaq. Lakin aprelin 21-də 4 bal gücündə, 22-də isə 5 ballıq güclü maqnit qasırğası baş verəcək. Bu dövrdə də meteohəssas insanların ehtiyatlı olmaları tövsiyə edilir.
Aprelin 25-də maqnitosfer sakitləşəcək, lakin dörd bal səviyyəsində narıncı həyəcan səviyyəsi hələ də davam edəcək.
Geomaqnit qasırğaları zamanı meteohəssas insanlar baş ağrıları, yorğunluq, yuxusuzluq və digər narahatlıqlar hiss edə bilərlər. Belə hallarda fiziki və emosional stressdən qaçmaq, düzgün qidalanmaq və kifayət qədər yuxu almaq tövsiyə olunur.
Musavat.com
ƏLAQƏLİ XƏBƏRLƏR
XƏBƏR LENTİ
05 Aprel 2025
04 Aprel 2025
ŞƏRHLƏRŞƏRH YAZ