Onlayn ictimai-siyasi qəzet
Dünyanı ŞOKA salacaq yeni pandemiya - DƏHŞƏTLİ DETALLAR
H5N1 pinqvinlərdən dəvələrə qədər yayılıb
Musavat.com bildirir ki, elm adamları ciddi xəbərdarlıq edirlər: növbəti pandemiya məhz quş qripi olacaq.
BBC manşetdən yaydığı məqalədə bildirir ki, H5N1 adlı son dərəcə yoluxucu bu virus artıq bütün qitələrdə yayılıb – yalnız Avstralaziya (Yeni Qvineya, Yeni Zelandiya və ətraf adalar) istisnadır.
Virusun miqyası o qədər genişlənib ki, artıq Antarktidada pinqvinlərdə, Yaxın Şərqdə isə dəvələrdə aşkarlanıb. ABŞ Kənd Təsərrüfatı Nazirliyinin (USDA) məlumatına görə, yoluxmuş quşlara ABŞ-ın bütün 50 ştatında rast gəlinir – həm fermer təsərrüfatlarında, həm də vəhşi təbiətdə.
Üstəlik, virus artıq təkcə quşları deyil, mal-qaranı da yoluxdurub: hazırda təxminən 1000-dən çox süd inəyi sürüsündə quş qripi infeksiyası aşkarlanıb. İndiyə qədər virusun insanlara keçməsi ilə bağlı ABŞ-da ən azı 70 yoluxma faktı qeydə alınıb. Təəssüf ki, bu hallardan biri ölümcül nəticələnib.
Epidemioloqlar xəbərdarlıq edir: Geri dönüş nöqtəsi artıq keçilmiş ola bilər
Mütəxəssislər bildirirlər ki, bu dəfə quş qripi səssiz və sürətli şəkildə yayıldığı üçün çoxları onun potensial təhlükəsini yetərincə ciddi qəbul etmir. Lakin Con Hopkins Universitetinin Bloomberq adına İctimai Səhiyyə Məktəbinin epidemiologiya üzrə müəllimi Keytlən Riversin sözlərinə görə, virusun yayılmasını nəzarət altına almaq üçün mümkün olan əsas məqamlar artıq qaçırılıb.
Onun fikrincə, əvvəlcə Bayden administrasiyası, indi isə Tramp hökuməti virusun qarşısını almaqda gecikib və bu, vəziyyətin nəzarətdən çıxmasına yol açıb. Ekspertlər hesab edirlər ki, ABŞ artıq pandemiyaya aparan geri dönüş nöqtəsini keçib və bu mərhələdən sonra qlobal miqyasda yeni pandemiyanın başlaması sadəcə zaman məsələsidir.
H5N1 pandemiyasının əlamətləri görünür
Epidemioloqlar onu da bildirirlər ki, rəsmi statistik göstəricilər faktiki yoluxanların sayını əks etdirmir. Əslində isə real yoluxma halları bu rəqəmlərdən dəfələrlə çox ola bilər.
Hazırkı mənzərə dünya ictimaiyyəti üçün yeni bir pandemiya riskinin artıq qapıda olduğunu göstərir. H5N1-in sürətlə mutasiya etməsi və insanlara keçmə riski bu virusu dünya səhiyyəsi üçün ən təhlükəli bioloji təhdidlərdən birinə çevirib.
MƏNBƏ: https://www.bbc.com/russian/articles/cr7zzyne99ko
Musavat.com
XƏBƏR LENTİ
25 May 2025
24 May 2025
ŞƏRHLƏRŞƏRH YAZ