Onlayn ictimai-siyasi qəzet
“DİM-in bu il I ixtisas qrupu imtahanında edəcəyi dəyişiklik xaotik vəziyyət yaradacaq” – Ekspert
“DİM-in bu il I ixtisas qrupu imtahanında edəcəyi dəyişiklik xaotik vəziyyət yaradacaq”.
Musavat.com bildirir ki, bu fikri təhsil eksperti Kamran Əsədov deyib.
Ekspert məsələyə bu cür şərh verib:
“DİM I ixtisas qrupu üzrə RK və Rİ altqrupuna hər iki cəhd imtahanında iştirak etmək hüququ verməsə bu il I ixtisas qrupu üzrə ciddi sayda boş plan yeri qalacaq. Bu il edilən dəyişikliyə görə I qrupda abituriyent yalnız bir altqrupu seçə bilər. Halbuki III qrupa həm DT, həm də TC altqrupunu seçmək hüququ verilib. Əvvəlki illərin nəticəsi də göstərir ki, bu il tətbiq ediləcək yenilik I qrupda xaotik vəziyyət yaradacaqdır”.
Xatırladaq ki, ali təhsil müəssisələrinə qəbul imtahanının ikinci mərhələsinin birinci cəhdi II və III ixtisas qrupları üzrə mayın 25-də, I və IV qruplar üzrə isə iyunun 1-də keçiriləcək. III ixtisas qrupu üzrə həm DT, həm də TC altqrupunu seçən abituriyentlər üçün coğrafiya fənni üzrə əlavə imtahan iyunun 22-də keçiriləcək.
Xalidə Gəray,
Musavat.com
XƏBƏR LENTİ
19 Aprel 2025
ŞƏRHLƏRŞƏRH YAZ