Onlayn ictimai-siyasi qəzet
Di Kaprionun kaprizi - 50 yaşını dar dairədə keçirib, şəkil çəkilməsini yasaqlayıb
Noyabrın 11-də Hollivud ulduzu Leonardo Di Kaprionun 50 yaşı tamam olub, ancaq o, yubileyini noyabrın 9-da özəl məclis təşkil etməklə qeyd edib,
Musavat.com xarici mediaya istinadla xəbər verir ki, ziyafətin təşkilatçıları qonaqlar üçün ciddi qaydalar müəyyən etməklə tam məxfiliyi təmin edə biliblər: onlara məclisə mobil telefon gətirməyə icazə verilməyib, hər hansı çəkiliş qadağan edilib.
Məlumatlı mənbə bildirib ki, Leonardo Di Kaprio ziyafəti gizli saxlamağa müvəffəq olub, lakin qonaqların siyahısı internetə sızıb. Onların arasında Stiven Spilberq və həyat yoldaşı Keyt Kepşou, Robert de Niro, Bred Pitt və sevgilisi İnez de Ramon, Edvard Norton, Ceymi Foks, Peris Hilton və əri Keti Perri, Orlando Blum, həmçinin Mark Ruffalo olub. Leonun yanında onun sevgilisi Vittoriya Ceretti və ən yaxşı dostu Tobi Maguayr görünübi. Banket DJ-in musiqisinin sədaları və şampan şərabının müşayiəti ilə gecəyə qədər davam edib.
Di Kaprio “Titanik”, “Şütter adası”, “Nyu-York dəstələri”, “Başlanğıc” və digər filmlərdəki rolları ilə tanınır.
O da məlumdur ki, aktyor Frenk Sinatra haqqında bioqrafik filmdə baş rolu oynayacaq.
Musavat.com
XƏBƏR LENTİ
22 Noyabr 2024
ŞƏRHLƏRŞƏRH YAZ