Onlayn ictimai-siyasi qəzet
COVİD-19 yenidən "dirildi"
İtaliyada bir həftə ərzində koronavirusa yoluxanların sayında 44 % artım qeydə alınıb.
“Report” xarici KİV-ə istinadən xəbər verir ki, bu barədə İtaliyanın Səhiyyə Nazirliyinin xüsusi bülletenində deyilir.
Belə ki, sentyabrın 7-dən 13-dək ölkədə 31 minə yaxın yoluxma halı qeydə alınıb, bundan əvvəlki həftə isə yoluxanların sayı 23 min nəfər təşkil edib.
Ümumi əhaliyə nisbətdə yoluxma nisbəti də eyni şəkildə artıb - son bir həftədə hər 100 min sakinə 52 yoluxma düşüb.
“Epidemioloji vəziyyət və ölkədə yeni tədris ilinin başlanmasını nəzərə alınaraq, peyvənd kampaniyasına xüsusi diqqət yetirilməli, profilaktika tədbirlər gücləndirilməlidir”, - bülletendə qeyd edilir.
Artan infeksiyalar fonunda Səhiyyə Nazirliyi müvafiq simptomlarla təcili yardım şöbələrinə daxil olanlar üçün yenidən COVID-19 testini məcburi edib.
XƏBƏR LENTİ
04 Oktyabr 2024
ŞƏRHLƏRŞƏRH YAZ