Onlayn ictimai-siyasi qəzet
Bütün kasıb dövlətlərin yardımını kəsən Tramp yalnız birini istisna edir
Banqladeşdə yaşayan rohincalar ABŞ-nin BMT kanalları vasitəsilə onlara 73 milyon dollarlıq maliyyə yardımı etmək qərarını alqışlayıblar.
Musavat.com xarici mediaya istinadla xəbər verir ki, bu, rohinca millətindən olan 1 milyona yaxın qaçqın üçün ümidverici siqnaldır. Çünki ABŞ prezidenti Donald Tramp beynəlxalq yardımların azaldılmasını elan etdikdən sonra onlar qida rasionunun kəsiləcəyindən qorxurdular.
Rohincaların taleyi qeyri-müəyyən olaraq qalır, lakin Banqladeşdəki mövcud rejimin davamı edib-etməyəcəyi də dəqiq deyil. 2024-cü il çevrilişindən sonra orada islamçı radikallar fəallaşıb.
Mart ayında Banqladeşə səfər edən BMT baş katibi Antonio Quterreş ABŞ və Avropa ölkələrindən rohincalara edilən yardımın azalmasını sərt ifadələrlə təsvir edib. O, bunu cinayət adlandırıb. Quterreş hər il Ramazan ayında müsəlman dövlətlərindən birinə səfər edir. AP agentliyi xatırladır ki, bir neçə yüz min rohinca Banqladeşdə onilliklər ərzində yaşayır. 2017-ci ildə Myanmadan Banqladeşə 700 mindən çox rohinca gəlib. 2024-cü ildə isə Myanma hökumət qoşunları ilə “Arakan ordusu” adlanan üsyançılar arasında gedən döyüşlər zamanı daha 70 min nəfər sərhədi keçib.
“BMT rohincalara maliyyə yardımı axınını təmin etmək üçün əlindən gələni edəcək”, - Quterreş vurğulayıb. Baş katib ölkənin paytaxtı Dəkkədə Nobel Sülh Mükafatı laureatı, müvəqqəti hökumətin rəhbəri Məhəmməd Yunusla görüşüb. Baş katib bütün dünyada yardım proqramlarının kəsildiyi, Qərb dövlətlərinin isə hazırda hərbi xərcləri artırmasından narahatlığını ifadə edib.
Yunus kiçik bizneslər üçün mikromaliyyə proqramı hazırladıqdan sonra Qərbdə məşhur sima olub. Onun mahiyyəti ondan ibarətdir ki, girovsuz kiçik kreditlər aşağı faizlə verilir. Yunusa “kasıbların bankiri” ləqəbi verilib. Ancaq əslində hər şey hamar deyildi. Müstəqil respublikanın qurucusu Mucibur Rəhmanın qızı, baş nazir Şeyx Hasinanın hökuməti Yunusun kəndliləri qarət etdiyini bildirib və o, həbs olunub, lakin zaminə buraxılıb. Ölkədə tələbələrin etiraz aksiyaları başlayıb. Ordu və hüquq-mühafizə orqanlarının əməkdaşları əvvəlcə nümayişçiləri səssizcə izləyib, hətta onlara baş nazirin iqamətgahına soxularaq ötən əsrin 60-cı illərinin sonu və 70-ci illərinin əvvəllərində Banqladeş xalqının azadlıq hərəkatına rəhbərlik etmiş Mucibur Rəhmanın şərəfinə ucaldılmış abidəni dağıtmağa icazə veriblər.
Musavat.com
XƏBƏR LENTİ
04 Aprel 2025
ŞƏRHLƏRŞƏRH YAZ