Onlayn ictimai-siyasi qəzet
Bu 4 BÜRC hər kəsi bağışlayır, qarşılıqsız sevə bilir
Elə bürclər var ki, onlar pislikdən uzaq, saf niyyətli və mərhəmətli təbiətləri ilə ətraflarına işıq saçırlar. Həyatın bütün çətinliklərinə baxmayaraq, daxillərindəki təmizliyi qoruyub saxlayırlar.
Musavat.com Türkiyə mətbuatına istinadla həmin 4 bürcü təqdim edir:
Balıqlar bürcü (19 fevral – 20 mart)
Balıqlar həssaslıq baxımından bürclər arasında ön sıralarda yer alır. Onlar üçün dünya digərlərinin gördüyündən daha rəngarəng və duyğuludur. Heç vaxt pis niyyət daşımaz, insanlara qarşı kin bəsləməzlər. Başqalarının ağrı və acılarını özləri yaşamış kimi hiss edər, yardım əli uzatmaqdan çəkinməzlər. Bəzən bu sadəliklərinə görə sui-istifadə olunsalar da, içlərindəki uşaq saflığını heç vaxt itirməzlər.
Xərçəng bürcü (21 iyun – 22 iyul)
Xərçənglər qayğıkeş və son dərəcə emosional xarakterləri ilə tanınırlar. Onlar üçün ailə və sevdikləri hər şeydən önəmlidir. Pis niyyətli olmaq xərçəng bürcünün təbiətinə ziddir. Sevdiklərini qorumaq onların instinktidir. Qarşılıqsız sevgi verməyi bacarır, insanlara qarşı anlayışlı və şəfqətli yanaşırlar.
Tərəzi bürcü (23 sentyabr – 22 oktyabr)
Tərəzilər ədalət hissi, harmoniya və barışa olan sevgiləri ilə seçilirlər. Heç kəsə haqsızlıq etmək istəməz, münaqişələrdən qaçarlar. Həmişə ortaq nöqtə tapmağa və insanları barışdırmağa çalışarlar. Yaxşı niyyətləri o qədər güclüdür ki, bəzən onlara qarşı edilən haqsızlıqları belə görməzdən gələ bilirlər. Hər kəsin xoşbəxt olması üçün öz rahatlıqlarından keçməyə hazırdırlar. Qəlbləri sanki ağ, boş bir səhifə kimidir – təmiz və səmimi.
Oxatan bürcü (22 noyabr – 21 dekabr)
Oxatanlar nikbinlikləri, dürüstlükləri və pozitiv enerjiləri ilə tanınırlar. Dünyaya adətən “qızılgül eynəkləri” ilə baxar, hər şeydə bir yaxşılıq axtararlar. Düz danışsalar da, bunu saf və təmiz niyyətlə edərlər və kimisə incitmək istəməzlər. Onlar üçün həyat bir macəradır, bu macəra isə səmimiyyət və sevinc içində yaşanmalıdır. Kin tutmaqdan uzaqdırlar və bağışlamağı bacarırlar.
Musavat.com
XƏBƏR LENTİ
15 Iyun 2025
14 Iyun 2025
ŞƏRHLƏRŞƏRH YAZ