Onlayn ictimai-siyasi qəzet
Beynəlxalq Valyuta Fondundan xəbərdarlıq: ABŞ öz iqtisadiyyatını və dünyanı batıra bilər
Beynəlxalq Valyuta Fondu (BVF) ABŞ-ı dövlət borcunun və büdcə kəsirinin həddindən artıq artması problemini təcili həll etməyə çağırıb.
Musavat.com xəbər verir ki, bu, BVF-nin ABŞ iqtisadiyyatına dair hesabatında əksini tapıb. Fond ekspertlərinə görə, borcun belə həddi ölkə iqtisadiyyatı və bütövlükdə dünya üçün riskləri artırır.
Hesabatda büdcə kəsiri və dövlət sektorunun borcunun ÜDM-ə nisbətdə ortamüddətli perspektivdə pandemiyadan əvvəlki proqnozlardan əhəmiyyətli dərəcədə yüksək qalacağı proqnozlaşdırılır. Mövcud siyasət davam edərsə, dövlət borcunun 2032-ci ilə qədər davamlı olaraq artacağı və ÜDM-in 140 faizini keçəcəyi gözlənilir.
Hesabatda deyilir ki, “siyasətçilər bir sıra vergiləri, o cümlədən ildə 400.000 dollardan az qazanan insanların gəlirləri ilə bağlı vergilərin artırılmasını” və həmçinin sosial yardım proqramlarında islahatları diqqətlə nəzərdən keçirməlidirlər.
Fond hesab edir ki, inflyasiyanın 2 faizlik hədəfinə qaytarılmasında bu günə qədər əhəmiyyətli irəliləyişlərə baxmayaraq, Federal Ehtiyatlar Sistemi uçot dərəcəsini azaltmaq üçün ən azı 2024-cü ilin sonuna qədər gözləməlidir.
BVF bu il ABŞ-ın real ÜDM artımını 2,6 faiz, gələn il 1,9 faiz, 2026-cı ildə 2 faiz, 2027-2029-cu illərdə isə 2,1 faiz proqnozlaşdırır. İşsizliyin 2024-cü ildə 4,2 faiz, yaxın iki ildə 4,3 faiz, 2027-ci ildə 4,2 faiz, 2028-ci ildə 4 faiz, 2029-cu ildə 3,9 faiz olacağı gözlənilir.
Bu ilin sonunda FED-in baza faiz dərəcəsinin illik 5,1 faiz, gələn il 4,1 faiz, 2026-cı ildə 3,1 faiz və növbəti üç ildə 2,9 faiz olacağı proqnozlaşdırılır.
Musavat.com
XƏBƏR LENTİ
27 Dekabr 2024
ŞƏRHLƏRŞƏRH YAZ