Onlayn ictimai-siyasi qəzet
Baydeni əvəzləməyə ən yaxın demokrat o oldu
Vitse-prezident Kamala Harris Demokratlar Partiyasından ABŞ prezidenti Co Baydeni əvəzləyəcək potensial namizədlər arasında ən populyarına çevrilib.
Musavat.com xəbər verir ki, bunu “Newsweek” jurnalı üçün keçirilən sorğu sübut edir.
Harris 2020-ci ildə Baydenə səs verənlər arasında da birinci yerdədir.
Nəşr xatırladıb ki, bir neçə demokrat qanunverici Baydenin prezidentlik debatındakı uğursuz çıxışından sonra onu istefaya çağırıb.
Eyni zamanda Harris və partiyadakı digərləri Baydenin ətrafına toplaşdılar, çünki o, yarışdan çıxmaq planının olmadığını açıqlayıb. RealClearPolitics-in məlumatına görə, debatdan sonra keçirilən 12 milli sorğudan 11-i Donald Trampın Baydeni qabaqladığını göstərib.
Əgər ABŞ prezidenti istefa verərsə, Harris onun məntiqi varisi kimi görünür. Eyni zamanda Nevada ştatında seçki kampaniyası zamanı o, Demokratlar Partiyasındakı qarışıqlığa istinad edərək Baydeni “döyüşçü” kimi müdafiə edib.
Bəyan edib ki, yıxılanda ayağa qalxmaq lazım gəlir: "Ona görə də biz mübarizəmizi davam etdiririk və təşkilatlanmağa davam edəcəyik. Noyabrda biz qalib gələcəyik”.
Öz növbəsində, Newsweek üçün keçirilən sorğu göstərdi ki, vitse-prezident 13 mümkün namizəd siyahısında ən populyar seçimdir. Sorğuda 1500 seçici iştirak edib.
Musavat.com
XƏBƏR LENTİ
27 Noyabr 2024
26 Noyabr 2024
ŞƏRHLƏRŞƏRH YAZ