Onlayn ictimai-siyasi qəzet
Azərbaycan nazirləri aviaqəzadan sağ çıxanlarla görüşdü - GÖRÜNTÜLƏR
Azərbaycanın Nəqliyyat naziri Rəşad Nəbiyev və Fövqəladə Hallar naziri Kəmaləddin Heydərov Qazaxıstanda qəzaya uğrayan təyyarəmizdən sağ çıxan və yaralanan Azərbaycan vətəndaşlarına baş çəkiblər.
Musavat.com xəbər verir ki, nazirlər Qazaxıstan xəstəxanalarında müalicə alan yaralılarla görüşərək, onların səhhəti ilə maraqlanıblar. Görüş zamanı qəzadan sağ çıxan sərnişinlər baş verənlər barədə ətraflı məlumat verib və qəza anında çəkdikləri videoları nümayiş etdiriblər. Həmin videolar qəza öncəsi və zamanı baş verən hadisələr barədə qismən təsəvvür yaradır.
Nazirlər sərnişinlərdən təyyarədə yaranmış fövqəladə vəziyyət və qəzanın səbəbləri ilə bağlı suallar soruşub, onların ifadələrini dinləyib. Bu görüş həm hadisənin təfərrüatlarının aydınlaşdırılması, həm də yaralılara mənəvi dəstək məqsədi daşıyır.
Musavat.com həmin unikal video görüntüləri təqdim edir. Qəzanın detalları ilə bağlı istintaqın davam etdiyi və yaxın günlərdə yeni məlumatların açıqlanacağı gözlənilir.
@@TVmusavat/104294@@
Musavat.com
ƏLAQƏLİ XƏBƏRLƏR
XƏBƏR LENTİ
26 Dekabr 2024
ŞƏRHLƏRŞƏRH YAZ