Onlayn ictimai-siyasi qəzet
Araikin Öcalandan nə fərqi-Türkiyədə nə baş verir?
PKK terrorbaşının azadlığa buraxılması mövzusunun Türkiyə cəmiyyətində hansı reaksiyalar doğuracağı qarşıdakı sürəcdə bilinəcək-biz isə erməni terrorçuları ilə bağlı bu mövzuya 26 il sonra qayıdarıq...
Türkiyə tarixi bir hadisənin astanasındadır. Belə ki, PKK-nın həbsdəki terrorçubaşı Abdullah Öcalanınsilahları yerə qoymağa çağırışa hazır olduğunu deyib. Bu iddia Bərabərlik və Demokratiya Partiyasının (DEM) üç deputatının onunla İmralındakı görüşündən sonra tirajlanıb.
Məlumdur ki, Milliyyətçi Hərəkat Partiyasının (MHP) lideri Dövlət Baxçalı noyabr ayında DEM ilə PKK-nın həbsdə olan lideri arasında silahların buraxılması haqda birbaşa danışıqlara başlamağı təklif etmiş, bu çağırışa ölkə prezidenti Rəcəb Tayyib Ərdoğan da dəstək vermişdi. Baxçalının irəli sürdüyü başqa bir təklif isə Öcalanın PKK-nı silahı yerə qoymağa razı olduğu halda, onun mümkün azadlığa buraxılması haqdadır. Öcalan 1999-cu ildən Mərmərə dənizi sahillərindəki İmralıda ömürlük həbs cəzası çəkir. Milliyyətçilərin liderinin nə vaxtsa belə bir təkliflə çıxış etməsi fantastik görünə bilərdi, amma fakt faktlığında qalır. Partiyanın son qrup toplantısında MHP lideri hətta deyib ki, Öcalan silahı buraxmaq şərtini əməl edərsə, gəlib Məclisdə otura da bilər.
Türkiyə son illər populist siyasətdən uzaqlaşıb, doğru bildiyini edib, çünki dünyada dəngələr sürətlə dəyişib(r) və Ankara yaranmış vəziyyətdən dövlətin mənafeyi naminə yararlanmaq istəyir. Türkiyənin artan nüfuzu onu daha çevik, bir az daha qlobal siyasət yürütməyə vadar edir. PKK, elə onun həbsdəki başıbatmış lideri illərdir Ankaranın gah “əl-ayağına ”dolaşır, gah da “başını ağrıdır”. Türkiyədə vurulubçıxarılan PKK silahlıları illərdir ki, qardaş ölkənin sərhədlərində xain hücumları (İraq və Suriya) davam etdirirlər. Suriyada Əsəd rejiminin çökməsi bu ölkədə PKK və onun yandaş terror qruplarının silahsızlaşdırılması üçün tarixi fürsət yaradıb. Amerikanın dəstək verdiyi PKK və PYD yaraqlılarının Suriyada qalması indi daha çətin olacaq
Öcalanın azadlığa buraxılması mövzusunun Türkiyə cəmiyyətində hansı reaksiyalar doğuracağı hələ qarşıdakı sürəcdə bilinəcək. DEM-lə bu həftə görüşəcəkləri gözlənilər ana müxalifət( CXP) partiyasının lideri Özgür Özəl son açıqlamasında bu məsələnin həssaslığına diqqət çəkib. Müxalifət lideri deyib ki, bütün danışıqlar hansısa partiyalar arasında gizli deyil, TBMM çərçivəsində aparılmalıdır. İkincisi, Öcalanın azadlığa buraxılmasında silahlı kürdlərlə savaşda onilliklər ərzində şəhid olanların ailələrininmövqeləri son dərəcə mühümdür. CHP lideri onlarınrazılığı olmadan bu mövzuda heç bir addım atmayacaqlarını bəyan edib.
PKK-nın silahı buraxması halında barışığın mümkünlüyü yeni deyil. Xatırlayıram ki, 2013-cü ildə İmralı dustağı ilə danışıqları indi həbsdə olan Səlahəddin Dəmirtaş(kürdlərin adı dəyişmiş hansısa partiyasının sədr müavini idi) aparırdı, amma ortaya nəticə çıxmadı. Adətən, seçkilər ilində Türkiyədə bu mövzuda bir az da təbliğati xarakterli canlanma olardı. Ana Yasa dəyişikliyi haqda danışılsa da, ən yaxın seçkilərin 2028-ci ilin mayında (prezident seçkisi) keçirilməsi gözlənilir. Ona gorə budəfəki barışıq prosesi siyasi konyukturalardan kənar kimi görünür. Amma toplumun silahı buraxmış PKK-nı“qucaqlamağa” və yaxud Öcalan kimi birini məsələn, azadlıqda və ya Qazi Məclisində görməyə hazırdırmı?Əlbəttə ki, yox...
Azərbaycan PKK-nı da, Öcalanı da həmişə Türkiyənin və türkün düşmən sayıb. Çünki tarixən erməni terrorçuları həmişə PKK ilə qol-qola, çiyin-çiyinə olub. Həm də təkcə Suriyada deyil, Qarabağdakı işğal illərində bu terror dəstələri bir-birlərinə daima dəstək veriblər, PKK erməni terrorçulara təlimlər keçib, 44 günlük savaşda da ermənilər tərəfindən döyüşlərdə iştirak faktları olub.
Nazim SABİROĞLU,
Musavat.com
XƏBƏR LENTİ
05 Yanvar 2025
ŞƏRHLƏRŞƏRH YAZ