Onlayn ictimai-siyasi qəzet
“Andranik və daşnaklar Azərbaycanla son döyüşə hazırlaşırlar”- Eynulla Fətullayevin Zabuxdan REPORTAJI
“Haqqın.az” saytının baş redaktoru, tanınmış jurnalist Eynulla Fətullayev ermənilərin qanunsuz yaşadığı Zabux kəndində olub.
Musavat.com xəbər verir ki, jurnalist “Laçın dəhlizi”ndən keçməsi, Zabuxdakı vəziyyət barədə reportaj hazırlayıb.
Eynulla Fətullayev Haqqın.az saytında yazdığı materialda qeyd edib ki, uzun mübahisədən sonra onu Laçına, Zabuxa buraxıblar. Rus sülhməramlılarının döyüş maşınında.
Jurnalist qeyd edib ki, Laçının mərkəzinə çatdıqda ermənilərin şəhəri tərk etdiyini görüb:
“Ermənilər yolun hərəkət hissəsinə bitişik yolda evlərin qapıları, damları, pəncərələrini sökürdülər. Yol vaqonlarla doludur, hər kəs bacardığını daşıyır. Şəhərin mərkəzində nimdaş geyinmiş insanlara rast gəldik. Mən polkovnik Zimindən (onu müşayiət edən rus zabit) maşını saxlamasını xahiş edirəm. İnsanlarla ünsiyyət qurmaq istəyirik.. Lakin polkovnik qətiyyətlidir. “Başa düşürsən, bura çox təhlükəlidir, bunlar başqa ermənilərdir”, - Zimin deyir.
Eynulla Fətullayev qeyd edib ki, maneələrə rəğmən maşından düşür, çəkilişlərə başlayır:
“Maşından düşüb çəkilişlərə başlayırıq. Və qırmızı beretli, pulemyotla silahlanmış qəribə bir əsgər bizi qarşılamağa qaçır. “Çəkilişlərə kim icazə verib?!” “Rusiya sülhməramlıları” deyə soyuqqanlılıqla cavab veririk. Bu qarasaçlı, qafqaz əsilli əsgərin kim olduğu tam aydın deyil. O, tamamilə rus sülhməramlısına bənzəmir - həm forma fərqlidir, həm də davranış qəribədir. Bu, erməni xüsusi təyinatlılarının qırmızı beretinə bənzəyir. Qırmızı beretli bu gənc əsgərlərin parlament binası qarşısında erməni müxalifətini necə dağıtdıqları yadıma düşdü”.
Zabuxdakı vəziyyət barəsində yazan jurnalist qeyd edib ki, hələ kəndə yaxınlaşan zaman gözoxşayan mənzərə ilə rastlaşıb:
“Ermənistanla həmsərhəd olan Zabux kəndinə gedirik. Uzaqdan ləzzətli panorama açılır – kəndi üç tərəfdən yüksək yamaclar, dərin yarğanlar, sıx meşələr mühafizə edir... Yanan meşələr gözümə dəymir. Rusiya sülhməramlıları meşələrin qəsdən yandırılması ilə bağlı məlumatları təkzib edirlər. Bəli, həqiqətən də yanğın var idi, lakin bir neçə saat ərzində söndürüldü”.
Jurnalist qeyd edib ki, meşənin kənarlarında yanmış daxmalar görüb. Eynulla Fətullayev qeyd edib ki, uzaqdan baxanda Zabux misilsiz gözəldir. Ancaq kəndin özü infrastruktur baxımdan xeyli köhnədir. Qeyd edib ki, kənddə yoxsulluq hökm sürür. Yalnız müxtəlif beynəlxalq təşkilatların ianələri əsasında tikilmiş qırmızı damlı, bir-birinə oxşayan qutuya bənzər evlər var.
“Zabuxlular”ın lideri – Livan ermənisi Andraniklə görüş
Eynulla Fətullayev bildirib ki, sadə ermənilərlə görüşən zaman özünü beynəlxalq təşkilatın nümayəndəsi kimi təqdim edib və bu cür təqdimatla onların fikirlərini ala bilib. Onunla söhbət edən ermənilər ağ yalan danışıblar. Erməni xisləti yenə də öz sözünü deyib. Reportajdan belə anlaşılır ki, hazırda ermənilərin əksəriyyəti Azərbaycan kəndi olan Zabuxu tərk ediblər. Onlar yad torpaqda olduqlarını anlayanlardır. Ancaq jurnalistin qeyd etdiyi, bizim də son zamanlar yayılan videolardan gördüyümüz kimi ermənilər evlərini tərk edən zaman yanğınlar törədir, şeytan xisləti ilə təbiətə də ziyan vurmaqdan çəkinmirlər.
Eynulla Fətullayev kənddə qalan ermənilərlə görüşdüyünü qeyd etsə də, ona kəndi gəzməyə icazə verilmədiyini bildirib. Sülhməramlının zabiti bunu guya təhlükəsizliklə əlaqələndirib. Hər nə isə... Sonda Eynulla Fətullayevin də dediyi kimi, “Cəmi bir neçə gün qalıb. Tezliklə biz polkovnik Ziminsiz Zabuxa qayıdacağıq...”
Musavat.com
Məqalənin orijinalı bu linkdə: https://haqqin.az/news/257120
XƏBƏR LENTİ
14 Oktyabr 2024
ŞƏRHLƏRŞƏRH YAZ