Onlayn ictimai-siyasi qəzet
Fransanın reytinqi endirildi
"Fitch Ratings" Fransanın uzunmüddətli xarici və yerli valyutada emitentin defolt reytinqləri üzrə proqnozunu sabitdən mənfiyə dəyişib.
Musavat.com Agentliyin hesabatına istinadən xəbər verir ki, eyni zamanda reytinqlər "AA-" səviyyəsində təsdiqlənib, qısamüddətli reytinqlər F1+ səviyyəsində qalıb.
Agentliyin analitikləri bildirirlər ki, son qiymətləndirmədən ötən müddətdə Fransada fiskal siyasət riskləri artıb. Onlar daha böyük kəsir gözləyirlər ki, bu da dövlət borcunun kəskin artmasına gətirib çıxaracaq - 2028-ci ilə qədər ÜDM-in 118,5 faizinə qədər.
Onların hesablamalarına görə, 2024-cü ildə Fransa hökumətinin büdcə kəsiri ÜDM-in 6,1 faizinə qədər artmalıdır ki, bu da hökumətin və Fitch-in ÜDM-in 5,1 faizini nəzərdə tutan yaz proqnozlarını əhəmiyyətli dərəcədə üstələyir: "Biz Fransanın 2024-cü ildə kəsirinin Avro bölgəsində ikinci ən böyük və AA ölkələrinin proqnozlaşdırılan orta kəsirindən təxminən üç dəfə çox olacağını proqnozlaşdırırıq".
Ekspertlər ölkənin 2025 və 2026-cı illərdə büdcə kəsiri ilə bağlı təxminlərini ÜDM-in 5,4 faizinə çatdırıblar. Onlar hökumətin 2029-cu ilə qədər kəsiri ÜDM-in 3 faizindən aşağı sala biləcəyini gözləmirlər.
2026-cı ilin sonuna dövlət borcunun həcminin ÜDM-in 116, faizi həcmində olacağı proqnozlaşdırılır. Bu, AA reytinqli dövlətlər arasında ikinci ən yüksək göstəricidir və kateqoriya orta göstəricisindən iki dəfə çoxdur.
Fitch ekspertləri Fransa iqtisadiyyatı üçün 2024-cü il üçün artım proqnozunu əvvəllər gözlənilən 0,8 faizdən 1,2 faizə qədər yaxşılaşdırıblar. Güclü xarici ticarət göstəriciləri zəif istehlak xərclərini və investisiyaları kompensasiya edir. Olimpiada üçüncü rübdə ÜDM artımına 0,25 faiz bəndi artım gətirib.
Agentliyin analitikləri indi iqtisadiyyatın 2025-ci ildə əvvəlki kimi 1,5 faiz deyil, 1,2 faiz genişlənəcəyini və 2026-cı ildə 1,3 faiz artım olacağını gözləyirlər.
Musavat.com
XƏBƏR LENTİ
21 Noyabr 2024
ŞƏRHLƏRŞƏRH YAZ