Onlayn ictimai-siyasi qəzet
Almaniya parlamenti Ukraynaya əlavə 3 milyard avro yardım ayrılmasını istəyir
Bundestaqın Büdcə Komitəsi (Almaniya parlamenti) Ukraynaya əlavə 3 milyard avroluq hərbi yardımın ayrılmasına razılıq əldə etmək istəyir.
Musavat.com xəbər verir ki, məlumatı Reuters mənbələrə istinadən yayıb. Bildirilir ki,komitə Almaniyanın maliyyə naziri Yorq Kukisdən əlavə vəsait ayırmağı xahiş edib.
Parlament komitəsinin üzvləri agentliyə bildiriblər ki, tələb mühafizəkar Xristian Demokrat İttifaqı (CDU) və Almaniya Azad Demokratik Partiyasının (FDP) nümayəndələri tərəfindən bəyənilib və onlar ölkə büdcəsində əlavə maliyyələşmə üçün kifayət qədər pul olduğunu bildiriblər. Eyni zamanda Almaniya Sosial Demokrat Partiyası (SPD) və Yaşıllar səsvermədə bitərəf qalıb.
Reuters xəbər verir ki, Almaniya Maliyyə Nazirliyi şərh verməkdən imtina edib.
Hazırda Almaniyada Kiyevə 3 milyard avro məbləğində əlavə yardımın ayrılması ilə bağlı müzakirələr gedir. Almaniya kansleri Olaf Şols açıq şəkildə bildirib ki, o, fevralın 23-nə təyin edilən növbədənkənar parlament seçkiləri öncəsi Kiyevə əlavə hərbi yardım paketinin ayrılması ilə bağlı qərarın veriləcəyini gözləmir. O təsdiqləyib ki, Ukraynaya əlavə silah tədarükünü yalnız borc maneəsi (büdcədən aldığından daha çox pul xərcləməyi qadağan edən qayda) yumşaldılacağı halda təsdiq edəcək. Müxalifət bloku CDU/CSU, Almaniyanın Azad Demokratik Partiyası və Yaşıllar federal seçkilərə qədər planlaşdırılmamış büdcə xərcləri hesabına əlavə silah tədarükünü maliyyələşdirmək istəyirlər.
Qeyd edək ki, Almaniya Ukraynaya ABŞ-dan sonra ikinci ən böyük silah tədarükçüsüdür. Almaniya artıq Kiyevə hərbi dəstək üçün vəsait ayırıb. 2025-ci il büdcəsi haqqında razılaşmaya əsasən, Almaniya Ukraynaya hərbi dəstək üçün təxminən 4 milyard avro ayırmalıdır ki, bu da 2024-cü ilə nisbətən iki dəfə çoxdur. Lakin büdcə hələ Bundestaq tərəfindən təsdiqlənməyib.
Musavat.com
XƏBƏR LENTİ
30 Yanvar 2025
ŞƏRHLƏRŞƏRH YAZ