Onlayn ictimai-siyasi qəzet
Alman rusla anlaşdı, arada çeçenin qanı batdı
Şolts Krasikov adlı qatilin Rusiyaya verilməsindən danışıb
Almaniya kansleri Olaf Şolts Almaniyada mühakimə olunan və Krasikov adı ilə tanınan Rusiya vətəndaşının azadlığa buraxılması qərarının Berlin üçün asan olmadığını bildirib.
Musavat.com xarici mediaya istinadla xəbər verir ki, kansler Köln/Bonn hava limanında Rusiya Federasiyası ilə Qərb ölkələri arasında əsirlərin mübadiləsi ilə bağlı açıqlama verərkən jurnalistlərə deyib: “Bu çətin qərar müvafiq qurumlar və koalisiya ilə birlikdə hərtərəfli məsləhətləşmələrdən və mülahizələrdən sonra qəbul edilib. Bu, federal prokurorun hökmü icra etmək və sonradan deportasiyadan çəkinmək qərarı sayəsində həyata keçirilib”.
Bununla belə, o əlavə edib ki, onlar üçün Almaniya vətəndaşlarını qorumaq, eləcə də Birləşmiş Ştatlarla həmrəylik öhdəliyi daha vacib idi.
2021-ci ilin dekabrında Berlin Ali Məhkəməsi çeçen əsilli Gürcüstan vətəndaşı Zelimxan Xanqoşvilinin qətlində təqsirli bilinən rusiyalıya ömürlük həbs cəzası verib. İş 2020-ci ilin oktyabr ayından gücləndirilmiş təhlükəsizlik tədbirləri şəraitində davam etdirilir. Alt-Moabit rayonundakı Littl Tayergarten parkında qətl 2019-cu il avqustun 23-də baş verib. İttiham tərəfinin fikrincə, Rusiya vətəndaşı olduğu iddia edilən Vadim Krasikov velosipedlə zərərçəkənə yaxınlaşaraq iki atəş açıb. Məhkum özünü Vadim Andreyeviç Sokolov adlandırıb və əvvəllər bu işdə keçən ad-soyadın - Vadim Krasikovun ona məlum olmadığını bildirib. Rusiya tərəfi dəfələrlə insidentdə iştirakını inkar edib.
Bundan əvvəl Rusiya FTX-nin ictimaiyyətlə əlaqələr mərkəzi Ankara hava limanında aparılan mübadilə nəticəsində NATO-nun bir sıra ölkələrində saxlanılan və həbsdə olan 8 Rusiya vətəndaşının, habelə azyaşlı uşaqların geri qaytarıldığını bildirib. Rusiya vətəndaşları xarici dövlətlərin maraqlarından çıxış edən bir qrup şəxsə dəyişdirilib. Onların arasında keçmiş dəniz piyadası Pol Uilan və Rusiyada casusluqda təqsirli bilinən jurnalist Evan Qerşkoviç də var.
Musavat.com
XƏBƏR LENTİ
24 Noyabr 2024
23 Noyabr 2024
ŞƏRHLƏRŞƏRH YAZ