Onlayn ictimai-siyasi qəzet
ABŞ Ukraynadan imtina edir? – Trampa "müzakirələr bitdi" mesajı gedir
Ukraynadakı müharibənin gələcəyi ilə bağlı Vaşinqtondan mühüm açıqlama gəlib.
Musavat.com xəbər verir ki, ABŞ Dövlət katibi Marko Rubio bildirib: əgər Ukraynadakı müharibəni dayandırmaq üçün atılan addımlar yaxın günlərdə nəticə verməsə, Prezident Trampa müzakirələrin artıq real bir seçim olmadığını çatdıracaqlar. Rubio bu fikirləri ABŞ mediasına açıqlamasında deyib.
O əlavə edib ki, son 3 ildə ABŞ Ukraynaya ciddi dəstək verib, lakin artıq "başqa məsələlərə fokuslanmağın vaxtı çatıb".
Onun sözlərinə görə, ABŞ-ın dünyada bir çox digər prioritetləri var və Ukrayna məsələsinə əvvəlki kimi üstünlük verilməsi çətinləşir.
Rubio həmçinin qeyd edib ki, ABŞ hələlik Ukraynanın təhlükəsizlik zəmanətləri məsələsini ictimai müzakirəyə çıxarmağa hazır deyil. Bu isə Kiyev üçün böyük suallar yaradır.
Musavat.com
XƏBƏR LENTİ
19 Aprel 2025
ŞƏRHLƏRŞƏRH YAZ