Onlayn ictimai-siyasi qəzet
ABŞ Tiflisdəki Luqar laboratoriyasına yardımı da DAYANDIRDI
Birləşmiş Ştatlar Tiflis yaxınlığındakı Luqar laboratoriyasının həyata keçirdiyi layihələrdə iştirakını dayandırıb.
Musavat.com xəbər verir ki, bunu mətbuat konfransında Gürcüstan Səhiyyə Nazirliyinin rəhbəri Mixail Sarjveladze deyib.
O bildirib ki, söhbət maksimum 2 milyon lari (740 min dollar) həcmində vəsaitdən gedir. Nazir əlavə edib ki, dayandırılmış yardım laboratoriyanın işinə heç bir təsir göstərməyəcək və respublika orqanlarının özləri layihələrin həyata keçirilməsi üçün maliyyə vəsaiti tapa biləcəklər.
ABŞ dövlət katibi Antoni Blinken iyulun 31-də bildirib ki, Vaşinqton Gürcüstanda xarici agentlər haqqında qanunun qəbulu ilə əlaqədar Tiflisə 95 milyon dollardan çox məbləğdə yardım proqramını dayandırmaq qərarına gəlib. Əvvəllər də eyni səbəbdən Aİ Gürcüstan Müdafiə Nazirliyinə ayrılması planlaşdırılan 30 milyon avronun dondurulmasına qərar vermişdi.
Riçard Luqar İctimai Səhiyyə Araşdırma Mərkəzi 2011-ci ildə Amerika hökumətinin proqramı çərçivəsində Tiflis Beynəlxalq Hava Limanı yaxınlığında Alekseevka kəndində açılıb. Mərkəz bioloji təhlükələrlə bağlı araşdırmalar aparır. Gürcüstanın keçmiş dövlət təhlükəsizliyi naziri İqor Qiorqadze 2018-ci ilin sonunda elmi-tədqiqat mərkəzində təhlükəli eksperimentlərin aparıldığını təsdiq edən sənədlərin olduğunu bildirib, həmçinin ABŞ-ın keçmiş prezidenti Donald Trampı laboratoriyanın fəaliyyətini araşdırmağa çağırıb. Gürcüstanda bu ittihamları absurd adlandırıblar, Moskvada isə laboratoriyanın fəaliyyəti ilə bağlı ABŞ-dan sənədlər istəyəcəklərini bildiriblər.
Musavat.com
XƏBƏR LENTİ
24 Noyabr 2024
ŞƏRHLƏRŞƏRH YAZ