Onlayn ictimai-siyasi qəzet
ABŞ Rusiyaya qarşı HƏRƏKƏTƏ KEÇDİ
ABŞ Rusiya iqtisadiyyatının əsas sektorlarına qarşı yeni sanksiyalar paketi hazırlayıb.
Musavat.com xəbər verir ki, məlumatı Ağ Ev rəsmilərinə istinadən "Reuters" agentliyi yayıb.
Bildirilir ki, ABŞ yeni sanksiyaları tətbiq etmək üçün ilk addımların Avropadan atılmasını gözləyir.
Agentliyin verdiyi məlumata görə, Kreml Ukraynadakı müharibəni davam etdirərsə, bu sanksiyalar tətbiq oluna bilər. Vaşinqton Avropanın əvvəlcə Moskvaya təzyiqi artırmasını istəyir, məsələn, yeni sanksiyalar və ya tariflər vasitəsilə. Eyni zamanda, ABŞ Aİ-nin Ukraynaya Amerika silahlarının alınması üçün dondurulmuş Rusiya aktivlərindən istifadə etmək ideyasını dəstəkləyir və Ukrayna Silahlı Qüvvələrinə kömək etmək üçün öz ərazisində dondurulmuş vəsaitlərindən istifadə yollarını müzakirə edir.
Mümkün məhdudiyyətlərə Rusiya banklarına və neft ixracı ilə əlaqəli infrastrukturlara zərbələr də daxildir. Ukrayna hətta Vaşinqtona bütün Rusiya banklarını dollar sistemindən çıxarmağı təklif edib, lakin bunun nə dərəcədə ciddi şəkildə nəzərdən keçirildiyi bəlli deyil.
Tramp çərşənbə günü ilk sanksiyalar tətbiq edildikdən sonra Moskvanın reaksiyasını qiymətləndirmək üçün bir neçə həftə fasilə verə bilər.
Agentliyə bir mənbə bildirib ki, Tramp həmçinin Senatın Rusiya əleyhinə sanksiyalar qanun layihəsini dəstəkləməyə hazırdır. Bu qanun layihəsi, digər məsələlərlə yanaşı, Rusiyadan enerji idxal edən ölkələrə 500 faiz tarif tətbiq edəcək. Lakin mənbə əmin edib ki, ABŞ liderinin bunu bu ay etməsi ehtimalı azdır.
Musavat.com
XƏBƏR LENTİ
30 Oktyabr 2025
29 Oktyabr 2025
ŞƏRHLƏRŞƏRH YAZ