Onlayn ictimai-siyasi qəzet
ABŞ ordusunda YENİLİK
ABŞ Müdafiə Nazirliyi ordudakı 15 000 nəfərlik əsgər çatışmazlığını aradan qaldırmağı və silahlı qüvvələrə 65 000 yeni əsgər cəlb etməyi planlaşdırır.
Musavat.com "Fox News"a istinadən xəbər verir ki, bu barədə ABŞ-ın ordu naziri Kristin Uormut məlumat yayıb.
"Məncə, bu il üçün bir nömrəli prioritet işə qəbul problemimizi həll etməkdir. Keçən il ordu 15 000-ə yaxın adam toplama hədəfinə çata bilməyib. Bu, bizim üçün çox ciddi problemdir", - deyə Uormut Corc Vaşinqton Universitetində çıxışı zamanı deyib. Onun sözlərinə görə, 2022-ci ildə işə qəbul planı 60 min nəfər olub, lakin ilin sonunadək cəmi 45 min nəfər ordu sıralarına cəlb edilib. Əsas səbəb kimi gənclər arasında piylənmə hallarının artması, orta təhsil haqqında diplomun olmaması və psixi problemlər göstərilir.
Bundan əlavə, amerikalılarda hərbi xidmətə marağın azaldığı ortaya çıxıb. Sıravi vətəndaşlar da Könüllü Qüvvələrə (AVF) həvəssiz qatılır. Hərbi ənənələrə malik ailələrdən də silahlı qüvvələrə daha az insan qoşulur. Keçən ay ordu işə qəbul böhranını həll etmək məqsədilə çəki və qabiliyyət tələblərinə cavab verməyən namizədlərə xidmət etməyə imkan verən yeni qaydalar gətirib.
Avqust ayında Cənubi Karolinada yerləşən Fort Cekson bazasında ordu standartlarından 6% daha çox bədən yağı olan və ya Silahlı Qüvvələrin Peşəkar Qabiliyyət Testində 21-30 bal toplayan əsgərlər üçün pilot proqram açılıb.
Musavat.com
XƏBƏR LENTİ
09 Oktyabr 2024
ŞƏRHLƏRŞƏRH YAZ