Onlayn ictimai-siyasi qəzet
ABŞ Milli Təhlükəsizlik Şurasının bir neçə əməkdaşı işdən çıxarıldı: İlginc səbəb
ABŞ administrasiyası Milli Təhlükəsizlik Şurasının bir neçə əməkdaşını işdən çıxarıb.
Musavat.com Axios portalının yaydığı məlumata görə, bu qərar prezident Donald Tramp fəal tərəfdarı, konspiroloq və ifrat sağçı Laura Lumer arasında Ağ Evdə keçirilən görüşdən sonra qəbul edilib.
Bildirilir ki, Lumer prezidenti şuranın bəzi əməkdaşlarını işdən çıxarmağa çağırıb və onlar ertəsi gün işdən çıxarılıblar. Bununla belə, Lumerin səfəri ilə istefalar arasında əlaqənin birbaşa əlamətləri yoxdur. Portal işdən çıxarılanların adlarını da vermir.
AP mənbələrə istinadən xəbər verir ki, Lumer Trampın hazırkı siyasi kursuna kifayət qədər sadiq olmayan şəxslərin vəzifədən uzaqlaşdırılmasını istəyib. O, tədqiqatının nəticələrini ABŞ-ın vitse-prezidenti J.D.Vens, milli təhlükəsizlik üzrə müşaviri Mayk Uolts və Ağ Ev aparatının rəhbəri Syuzan Uilsin iştirakı ilə keçirilən toplantıda təqdim edib.
ABŞ Təhlükəsizlik Şurası bu məlumatı şərh etməkdən imtina edib.
AP xatırladır ki, Lumer Trampın 2024-cü il seçki kampaniyası zamanı tez-tez mediada görünüb. O, bu yaxınlarda Amerika liderlərinin Trampın milli təhlükəsizlik komandasının bəzi üzvlərinə etibar edə bilməyəcəyini iddia edib.
Musavat.com
XƏBƏR LENTİ
04 Aprel 2025
ŞƏRHLƏRŞƏRH YAZ