Onlayn ictimai-siyasi qəzet
ABŞ-ın nüfuzlu analitik saytı Şoltsu ikiüzlülükdə günahlandırdı
“Almaniya kansleri Olaf Şolts Ukrayna ilə bağlı ziddiyyətli mövqe tutmaqla bütün Avropada çaşqınlıq yaradıb”.
Musavat.com xarici agentliklərə istinadən xəbər verir ki, bu cümlə nüfuzlu “Politico” saytındakı bir yazıda qeyd olunur.
Şolts bir yandan avropalı müttəfiqlərini Kiyevə qanadlı raketlər verməkdən vaz keçirir, Rusiyanın qisas alacağı riskini əsas gətirir, digər yandan isə müttəfiqləri Ukraynaya kömək etməməkdə qınayır.
Almaniya kanslerinin siyasəti Ukraynanı sadəcə ayaqda tutmaq üçün silah və avadanlıqla təmin edib, lakin onun Rusiya üzərində qəti qələbəsini də əngəlləyib.
Şolts bu günə qədər Ukraynanın müharibədə qalib gəlmək istədiyini israrla demir və yalnız "Rusiya qalib gəlməməlidir və Ukrayna uduzmamalıdır" kimi qarışıq cümlə işlətməklə kifayətlənir.
Bununla birlikdə Almaniya indiyədək Ukraynaya təxminən 17,7 milyard avro dəyərində hərbi yardım göstərib. Bu göstəriciyə görə o, yalnız ABŞ-dan geri qalır.
Son günlər Almaniya kansleri özünü “Friedenskanzler” (sülh kansleri) kimi göstərməyə başlayıb, bu ləqəb tez-tez 1970-ci illərin sonu və 1980-ci illərin birinci yarısında keçmiş Almaniya kansleri Villi Brandti təsvir etmək üçün istifadə olunurdu.
Bununla belə, strateji qeyri-müəyyənlik Şoltsun ən son istədiyi şeydir. Buna görə də o, Ukraynanı dəstəkləmək üçün nə etməyəcəyini və niyə etməyəcəyini Putinə və bütün dünyaya belə aydın şəkildə göstərir”,-deyə yazıda qeyd olunub.
Musavat.com
XƏBƏR LENTİ
27 Noyabr 2024
ŞƏRHLƏRŞƏRH YAZ