Onlayn ictimai-siyasi qəzet
ABŞ-ın dəstəklədiyi koalisiya Suriyaya hava zərbələri endirib
Amerikayönlü koalisiya F-16 və F-35 təyyarələri ilə Suriyanın Homs əyalətində iki hədəfə hava zərbələri endirib.
Musavat.com xarici mediaya istinadla xəbər verir ki, bu barədə Rusiya Müdafiə Nazirliyi məlumat yayıb.
“Saat 00:52-dən 00:55-dək Amerikapərəst koalisiyanın dörd təyyarəsi Əl-Tanf zonası vasitəsilə Suriyanın hava məkanını pozaraq Homs əyalətindəki iki hədəfə hava zərbəsi endirib”, - Rusiya kontr-admiralı Vadim Kulit bildirib.
O qeyd edib ki, Qərb dövlətləri öz hərəkətləri ilə Suriyanın cənubunda gərginliyin azaldılması prinsiplərinə dair 8 noyabr 2017-ci il tarixli memorandumu pozublar. Kulit əlavə edib ki, koalisiya bir gündə bölgədə 10 təhlükəli vəziyyət yaradıb, vəziyyəti çətinləşdirib və yeni insidentlər üçün ilkin şərtlər yaradır.
Bundan əvvəl ABŞ Suriyada Rusiya təyyarələri ilə insidentlərin sayında azalma müşahidə etdiyini bildirmişdi. ABŞ Müdafiə Nazirliyindəki mənbə qeyd edib ki, Rusiya təyyarələri ABŞ pilotsuz təyyarələrinin qarşısına istilik tələləri və ya mayaklar atmağı dayandırıb. Pentaqonun nümayəndəsinin sözlərinə görə, bu, ABŞ hərbi hava qüvvələrinə məxsus F-35-in Suriyaya gəlməsi ilə bağlıdır.
Musavat.com
XƏBƏR LENTİ
04 Oktyabr 2024
ŞƏRHLƏRŞƏRH YAZ