Onlayn ictimai-siyasi qəzet
ABŞ-ın Çin və Avropa İttifaqına tətbiq etdiyi idxal rüsumları bəlli oldu: Şok dərəcələr...
ABŞ Prezidenti Donald Tramp bildirib ki, Çindən idxal olunan bütün məhsullara 34 faiz idxal rüsumu tətbiq olunur.
Musavat.com xarici agentliklərə istinadən xəbər verir ki, o, tariflərin tətbiqinə dair fərmanını Müstəqillik Aktına bərabər sənəd kimi təqdim edib: "Tezliklə mən bütün dünya ölkələri üçün qarşılıqlı tariflərin tətbiqi ilə bağlı tarixi fərman imzalayacağam. Qarşılıqlı. Bu, aşağıdakı deməkdir: onlar bizə nə edirlərsə, biz də onlara edəcəyik. Bu, çox sadədir. Bundan sadə ola bilməzdi. Məncə, bu, Amerika tarixində ən mühüm günlərdən biridir. Bu, bizim iqtisadi müstəqillik bəyannaməmizdir".
D.Tram həmçinin qeyd edib ki, Avropa İttifaqından idxal olunan məhsullar üçün idxal rüsumu 20 faiz təşkil edəcək. Onun sözlərinə görə, bütün malların idxalı üçün minimum baza rüsumu 10 faiz həddində müəyyənləşdirilib.
Qeyd edək ki, Tramp administrasiyasının bu addımına Avropa İttifaqı və Çin tərəfindən cavab tədbirləri hazırlanırdı. Böyük ehtimalla, yaxın günlərdə hər iki mərkəzdən ciddi cavab tədbirlərinin görülməsinin şahidi olacağıq.
Musavat.com
XƏBƏR LENTİ
03 Aprel 2025
ŞƏRHLƏRŞƏRH YAZ