Onlayn ictimai-siyasi qəzet
ABŞ-dan İrana xəbərdarlıq: 6 milyard dollar...
Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi mətbuat konfransında İranın Cənubi Koreyada saxladığı təqribən 6 milyard dollarlıq aktivlərinin sanksiyalardan azad edilməsi ilə bağlı açıqlama verib.
Musavat.com xarici KİV-ə istinadən xəbər verir ki, o, sözügedən aktivlərin istifadəsinə ABŞ Maliyyə Nazirliyi tərəfindən nəzarət ediləcəyini bildirib.
Kirbinin sözlərinə görə, əgər aktivlər qeyd olunmayan məqsədlər üçün istifadə edilərsə, yenidən sanksiyalar tətbiq olunacaq.
O əlavə edib ki, ABŞ-ın İrana qarşı sanksiyalarının ləğvindən söhbət gedə bilməz.
Xatırladaq ki, sözügedən razılaşma çərçivəsində İranda saxlanılan 5 Amerika vətəndaşı həbsdən azad edilərək ev dustaqlığına buraxılıb.
Qeyd olunub ki, vəsaitlər ərzaq və dərman kimi əsas humanitar ləvazimatların alınması üçün istifadə oluna bilər.
Musavat.com
XƏBƏR LENTİ
04 Oktyabr 2024
ŞƏRHLƏRŞƏRH YAZ