Onlayn ictimai-siyasi qəzet
ABŞ-da Nyu-Orleandakı hücum ilə Las Veqas şəhərindəki partlayış arasında bağlantıları araşdırılır
ABŞ rəsmiləri, Nyu Orleanda yük maşınının piyadalarla toqquşması və Las-Veqasdakı “Trump International Hotel” yaxınlığında “Tesla Cybertruck” elektrik pikapının partlaması arasında əlaqə olub-olmamasını araşdırır.
Musavat.com xarici agentliklərə istinadən xəbər verir ki, bu barədə ABŞ prezidenti Co Bayden danışıb.
Qeyd edək ki, ABŞ-ın cənubundakı Luiziana ştatının Nyu Orlean şəhərində yük maşınının şəhərin mərkəzində Yeni ili qeyd edən izdihamın üzərinə sürülməsi nəticəsində azı 16 nəfər ölüb, 30-dan çox insan yaralanıb.
Təqsirləndirilən şəxs ABŞ vətəndaşı, 42 yaşlı Texas sakini, ABŞ ordusunun veteranı Şəmsud-Din Cabbardır. Rəsmilərin dediyinə görə, o, polislə atışmada dərhal ölüb.
Nyu Orleandakı federal hakimiyyət orqanları və yerli hüquq-mühafizə orqanları Cabbarın təkbaşına hərəkət etmədiyini və onun şəriklərini axtardıqlarını bildiriblər.
ABŞ polisi çərşənbə günü Las-Veqasda Tesla Cybertruck partlayışında şübhəli bilinən şəxsin kimliyini müəyyən edib. Onun ABŞ ordusunun keçmiş əsgəri, Kolorado-Sprinqsdən olan 37 yaşlı Metyu Livelsberger olduğu üzə çıxıb.
Gələn məlumatlara əsasən, bu şəxs Şəmsud-Din Cabbarla eyni hərbi bazada xidmət keçib.
FTB müstəntiqləri Leavelsbergerin yaşadığı Kolorado-Sprinqsdəki evlərdən birində axtarış aparıb.
Xatırladaq ki, Tesla Cybertruck, çərşənbə günü günortadan sonra ABŞ-ın yeni prezidenti Donald Trampa məxsus otelin qarşısında partlayıb. Avtomobilin sürücüsü həlak olub, 7 nəfər yaralanıb.
Partlayışın səbəbi hələ müəyyən edilməsə də, avtomobilin içərisindən pirotexniki vasitələr və benzin qutuları aşkar edilib. İstintaq ölən sürücünün partlayışa qəsdən səbəb olub-olmamasını araşdırır.
Musavat.com
XƏBƏR LENTİ
05 Yanvar 2025
04 Yanvar 2025
ŞƏRHLƏRŞƏRH YAZ