Onlayn ictimai-siyasi qəzet
ABŞ administrasiyasının baş müşaviri Beyrutda səfərdədir
ABŞ administrasiyasının xüsusi emissarı, enerji təhlükəsizliyi üzrə baş müşavir Amos Hoxşteyn (Amos Hochstein) yanvarın 11-də Livanın paytaxtı Beyruta səfər edib.
“Report” xəbər verir ki, məlumatı “newsru.co.il” yayıb.
Bildirilib ki, o, İsrail-“Hizbullah” qarşıdurması nəticəsində yaranan gərginliyin azaldılması, Livanla yəhudi dövləti arasında sərhədlərin demarkasiyasına dair məsləhətləşmələri davam etdirəcək.
Xatırladaq ki, yanvarın 9-da Beyrutda nəşr olunan, “Hizbullah” terror qruplaşması ilə əlaqəsi olan “Əl-Əxbar” qəzeti Livanın İsraillə danışıqlardakı şərtlərinin siyahısını dərc etmişdi. Bu hərbi-siyasi qruplaşma danışıqların yalnız Qəzza zolağında atəşkəsdən sonra mümkün olacağını vurğulamışdı.
Şərtlərə əsasən, Livan Ras əl-Nakura bölgəsindəki B1 bəndi məsələsinin həllini tələb edir ki, bu da sahil zolağında “şarj xətti” adlanan ərazinin suverenliyi məsələlərində dəyişiklik tələb edir. Bundan başqa, qarşı tərəf İsraildən qeyri-aktiv Roş a-Nikra dəmiryolu tunelinin Livana verilməsini istəyir. Şərtlərə görə, İsrail sərhəd rolunu oynayan "mavi xətti" keçməməyi öhdəsinə götürməlidir.
XƏBƏR LENTİ
25 Iyul 2025
24 Iyul 2025
ŞƏRHLƏRŞƏRH YAZ