Onlayn ictimai-siyasi qəzet
2022-ci ildə Rusiyanın 9 aviaşirkəti uçuşları dayandırıb
2022-ci ildə Rusiyanın 9 aviaşirkəti uçuşları dayandırıb, dördü isə hava operatoru sertifikatını itirib. Əksər hallarda uçuşların dayandırılması Rusiyanın Ukraynaya müdaxiləsindən sonra tətbiq edilən sanksiyalarla əlaqələndirilir.
Musavat.com xəbər verir ki, bu barədə “Kommersant” xəbər verir.
Qəzetin xəbərinə görə, Qərbin sanksiyaları səbəbindən 3 sertifikat birbaşa geri götürülüb.
“Kamçatka” aviaşirkəti ABŞ-da üç “Cessna Grand Caravan” təyyarəsi ala bilmədiyi üçün işi dayandırdığını elan edib. Yükdaşımalara görə üçüncü yeri tutan “SkyGate” hazırda Azərbaycanda fəaliyyət göstərir. Sankt-Peterburqun "Bystrolet" şirkəti “Hawker Beechcraft” reaktiv təyyarələrindən istifadə etməyi planlaşdırsa da, təyyarənin olmaması səbəbindən sertifikatını itirib. “Rostex” strukturuna daxil olan “Rostvertol Avia” şirkəti ehtiyat hissələri ilə bağlı problemlər səbəbindən “Mİ-2” helikopterlərindən istifadə edə bilməyib. 2022-ci ildə iflas prosesində olan Kalininqradın “Skol” şirkəti də sertifikatdan məhrum olub, Federal Hava Nəqliyyatı Agentliyi ona təyyarələrdən istifadəni qadağan edib.
Keçən il Qərb sanksiyaları fonunda “Royal Flight”, “Sirius Aero”, “Atran” və “AirBridgeCargo” yükdaşıyıcıları fəaliyyətini dayandırsalar da, sertifikatlarını saxlayırlar.
“Kommersant”ın yazdığına görə, hazırda Federal Hava Nəqliyyatı Agentliyinin reyestrində 114 daşıyıcı var, lakin beş ən böyük şirkət sərnişin axınının üçdə ikisini təmin edir. Nəşrin mənbəsinin sözlərinə görə, iri daşıyıcıların strukturuna daxil olmalı olacaq regional şirkətlər üçün vəziyyət heç də ürəkaçan deyil.
Musavat.com
XƏBƏR LENTİ
11 Oktyabr 2024
00:22 COP29-un prezidenti: Yeni Kollektiv Kəmiyyət Məqsədi danışıqların əsas prioriteti olaraq qalır
10 Oktyabr 2024
ŞƏRHLƏRŞƏRH YAZ