Onlayn ictimai-siyasi qəzet
1 milyon miqrant bu ölkədən qovulur - REKORD
ABŞ Prezidenti Donald Tramp administrasiyası il ərzində 1 milyon qanunsuz miqrantı ölkədən çıxarmağı qarşısına məqsəd qoyub. Musavat.com bildirir ki, The Washington Postun yazdığına görə, bu rəqəm ABŞ tarixində ən böyük miqyaslı deportasiya planı olacaq.
Qeyd olunur ki, əgər bu hədəf reallaşarsa, Tramp administrasiyası bir ildə həyata keçirilən deportasiya sayında Barak Obamanın prezidentliyi dövründəki rekord göstəricini 2.5 dəfə üstələyəcək.
Hazırda ABŞ-da təxminən 11 milyon qanunsuz miqrant yaşayır və Tramp bu rəqəmin azaldılması üçün sərt addımlar atmaq niyyətindədir. Bununla belə, The Washington Post yazır ki, immiqrasiya əməkdaşları və mütəxəssislər bu qədər böyük miqrant kütləsinin bir ildə ölkədən çıxarılmasının mümkünlüyünə şübhə ilə yanaşırlar.
Fotoşəkildə isə ABŞ-dan Meksikaya deportasiya edilən miqrantlar (2023-cü il) əks olunub. Müşahidəçilər bu planın həm texniki, həm hüquqi, həm də humanitar baxımdan böyük mübahisələrə səbəb olacağını proqnozlaşdırırlar.
Trampın bu cür sərt siyasəti qarşıdakı aylarda ABŞ-da həm daxili siyasi arenada, həm də beynəlxalq miqyasda ciddi müzakirələr doğuracaq.
https://www.washingtonpost.com/immigration/2025/04/12/one-million-deportations-goal/
Musavat.com
XƏBƏR LENTİ
15 Aprel 2025
ŞƏRHLƏRŞƏRH YAZ