Onlayn ictimai-siyasi qəzet
Şuşa yolundakı Zəkulla kişi
Uzaqdan tanıdı: “Bay, Arif Raufoğlu!”
Belə desə də, üzünün ifadəsi sual işarəsi şəklində idi.
Hələ əmin deyildi.
Diqqətlə baxa-baxa yaxınlaşdı.
Əlini uzatdı.
Oxşatdığı adam olduğuna artıq əmin idi:
- ...Nə yaxşı gördüm səni. Şuşaya gedirsiniz?
- Hə, qardaş, Şuşaya gedirik.
- Allah uğur versin. Mən Tağıyev Zəkullayam, bu ağaclara baxıram. Ərazinin "qaravul"uyam...
***
Yolüstü çay içmək üçün dayanmışdıq.
Bərəkəti ilə həm də cəsur insanlar, döyşçülər yetişdirən Biləsuvar torpağındaydıq.
Baqajı açıb termosu götürənə, tək istifadəlik stəkanları çıxarana qədər Zəkulla kişi yetişmişdi.
Vəzifə gərəyi ərazidəki heyvanlara və… dayanan təsadüfü maşınlara diqqət kəsilirdi.
Ağacları və pambıq tarlasını qoruyurmuş.
Çaya dəvət etdik.
"Siz mənim qonağım olun", - dedi.
"Gələn dəfə, inşallah…", - dedik…
Söhbətə bizim səyyar çay süfrəsində başladıq.
"Sənə, bir də o deputat kim idi… Fazil - onun bütün çıxışlarına baxıram. O gün də Mir Şahinin televiziyasında danışırdı..."
Elçin Əkbərovun kamerası işləyirdi...
İlahi, bu Azərbaycan insanı necə böyük, necə vətənsevər, necə ağıllıdır!
Adlı-sanlı politoloqlar yalan olardı Zəkulla kişinin danışdıqlarının, təhlillərinin yanında...
İranın Azərbaycanı arxadan xəncərləməsindən tutmuş, Prezidentin Qarabağı hansı düsturla (xalqı və müxalifəti ətrafına yığmağı bacararaq) geri almasına, dünən gecə şəhid olan 19 yaşlı əsgərimizin hekayəsinə qədər gündəmdəki hər şey onun təhlillərində vardı!
"Gecə yatmamışam, ağlamışam o əsgər üçün. Cavan uşaq idi. Sağ olsun, ordumuz onun qanını yerdə qoymadı... Arvad deyir, bu qədər dərd eləmə, öləcəksən. Amma dözəmmirəm... Onların (ermənilərin) hamısını qırmaq lazımdır, nə işləri var Qarabağda?!"
Sevgi və heyrətlə baxırıq bu böyük vətəndaşımıza...
"Kasıb olmağıma, nimdaş geyimimə baxma, Arif bəy, mənim ürəyim bu dövlətə yanır, canım Azərbaycana qurbandır..."
Biləsuvarın yetirdiyi Milli qəhrəman, qürurumuz Mübariz İbrahimovdan, Ramil Səfərovdan, Prezidentin onların xidmətlərinə qiymətindən danışdı...
Biləsuvarda bir stəkan çay içdik, bir dünya qazandıq...
Zəkulla kişinin timsalında yolüstü VƏTƏNDAŞIMIZI gördük.Yenidən tanıdıq.
Xalq həminkidir.
Ötən ilki...
Biz Vətən müharibəsini bu xalqla udduq.
Zəkullalarla...
***
Şuşayadır yolumuz.
Öz maşınımızla gedirik.
Bakıda oturduq maşınımıza və Vətən torpaqları ilə gedirik Qalaya doğru...
Bundan böyük xoşbəxtlik olarmı?!
Coğrafiyamızdan və sayımızdan çox böyüyük...
Rauf ARİFOĞLU 
YAZARIN DİGƏR YAZILARI
27 Iyul 2024
22 Iyul 2024
31 May 2024
03 Mart 2024
26 Fevral 2024
25 Fevral 2024
21 Fevral 2024
09 Fevral 2024
27 Yanvar 2024
14 Yanvar 2024
10 Yanvar 2024
24 Dekabr 2023
27 Oktyabr 2023
23 Oktyabr 2023
17 Oktyabr 2023
28 Sentyabr 2023
19:54
Tarix yazdıq, tarix yaratdıq - adına indi ‘’status-kvo’’ deyirlər... - Rauf Arifoğlunun yazısı
13 Sentyabr 2023
05 Sentyabr 2023
30 Avqust 2023
21:10 Parisin meri Gorusa niyə gəldi? "Fransız əsilli ermənilər" Ağdam yolunu bağlada bilərmi? VİDEO
22 Iyul 2023
18 Iyun 2023
03 Aprel 2023
29 Mart 2023
16 Mart 2023
19 Fevral 2023
15 Fevral 2023
10 Noyabr 2022
09 Noyabr 2022
28 Oktyabr 2022
ŞƏRHLƏRŞƏRH YAZ