İnsanlara hürriyət, millətlərə istiqlal!

Sevgili kimi bir ...kədər

Bəzən insan dərin və böyük bir kədərin içində ətrafındakıların, (içində onu sevməyənlərin də olduğu) sevdiklərinin sevincinə, fələkdən bir gün çalıb, onu özünükü etməsinə, gülüb -danışıb, evrənə, sonsuz fəzaya pozitiv səslərini, gülüşlərini yazdırmasına, tarixin obyektivinə poz verib, fotolar çəkdirməsinə ...bais olmasından qürur duyur...

Baisliyin ən gözəli...

Bəzən insan anlayır ki, bu dərin, ilahi kədər adi yas deyil, matəm deyil, onlar çox kiçik məfhumlardı, adətən unudularlar, teatr kimi göstəriyə möhtacdılar, əza saqqalı kimi 40 gün sonra qırxılar, yerlərə qarışarlar; ehsan, dua və zaman söküb atar insanın "yas" dediyini...

Bu kədər həm də o qədər müqəddəsdi ki, onu unutmaq cəhdinin özü günahdı... Onu daşımaqsa o qədər böyük şərəf ki!

Şərəflərin yalnız sənə aid olanı...

Göz yaşı ilə yuyulmayacaq, nəfsin gücü yetməyəcək qədər böyük, söykənə biləcəyin bir dağ kimi; amma çox da gözəl, o qədər də sevimli bir kədər!

Sevgili kimi bir kədər...

Bəzən insan kədərindən sevdiklərinə, məsul olduqlarına sevinc payı çıxara bilməsindən, onların Gününü öz kədərində, o dərin nisgilində boğmamasından, adi bir günün onun iradəsi ilə tarixə və şəbəkələrə gözəl bir gün olaraq keçməsindən, yazılmasından, çəkilməsindən qürur duyur...

Qürurların ən gözəli...

Bəzən insan dərin, ilahi bir kədərin içində olsa belə, çevrəsinə, sevdiklərinə gözəlliklər yaşadıb, kədərindən süfrə açıb, gücünə özünü də heyran buraxır...

Özünə heyranlığın ən məsumu...

Ancaq səni gerçəkdən sevənlərin anlaya biləcəyi incədən incə bir çizgi... Bir sənət əsəri...

Bəzən insan Cənnətdə yolunu gözləyən birisinin olduğuna qəfildən əminlik gətirir, Cənnətin yolunun içindən keçdiyini dərk edir, bir anda...Allaha və onu böyüdən Kədərə daha da sarılır...

Özünüdərkin ən dərini, anın, saniyənin ən uzunu...

Bəzən insan "adım kədərimdi, adımı yaman sevməyə başlamışam", deyib,
Ariflik dönəminə başlayır...

Ariflərin ən gözəli...

Rauf ARİFOĞLU

ŞƏRHLƏRŞƏRH YAZ

Şərh yoxdur

ƏLAQƏLİ XƏBƏRLƏR

20.09.2024 206

Peycer haqqında hədislər
19.09.2024 599

Zəfərin Kutlu olsun, Can Azərbaycan... - Sabiq səfirin təsirli yazısı
19.09.2024 205

Zəfər və antiterror tədbirləri haqqında bir neçə söz

YAZARIN DİGƏR YAZILARI

27 Iyul 2024

22 Iyul 2024

31 May 2024

03 Mart 2024

26 Fevral 2024

25 Fevral 2024

21 Fevral 2024

09 Fevral 2024

27 Yanvar 2024

14 Yanvar 2024

10 Yanvar 2024

24 Dekabr 2023

27 Oktyabr 2023

23 Oktyabr 2023

17 Oktyabr 2023

28 Sentyabr 2023

13 Sentyabr 2023

05 Sentyabr 2023

30 Avqust 2023

22 Iyul 2023

18 Iyun 2023

03 Aprel 2023

29 Mart 2023

16 Mart 2023

19 Fevral 2023

15 Fevral 2023

10 Noyabr 2022

09 Noyabr 2022

28 Oktyabr 2022