Onlayn ictimai-siyasi qəzet
Münxendə 20-ci il havası: hərbi əməliyyatlara qədər hər şeyi sülh naminə legitimləşdirdik!
Bu dəfə fərqli oldu. Münxen danışıqlarının mahiyyətini, gedişat sxemini ən operativ şəkildə, ən mötəbər mənbədən (Prezidentdən) aldıq, xalq olaraq hər şeyi izlədik. Əlbəttə, açıqlamayan mühüm məqamlar da var. Prezident İlham Əliyevin Ermənistanın mövqeyində müşahidə etdiyi və söylədiyi "proqres" nədir, nələri əhatə edir, ermənilər hansı tələbdən, şərtdən vaz keçiblər, yaxud Laçın yoluna Azərbaycanın gömrük və sərhəd postu qoymaq tələbinə Blinkenin timsalında ABŞ hökumətinin münasibəti, cavabı nə olub? Paşinyanla Vardanyan (onun özünə 1 saylı təhdid!) söhbəti edilibmi, edilibsə, bu mövzuda anlaşmaya varılıbmı? Bəs üçlü görüşdə Rusiya söhbəti edilibmi, Putindən danışılıbmı; Kremli Güney Qafqazdan çıxarmaq üçün səyləri birləşdirmək təklifi olunubmu? Bəs İran mövzusu?! Azərbaycanı açıq təhdid edən terror dövləti ilə, aqressiv mollakratiya ilə Ermənistanın qucaqlaşması, müttəfiqliyi dərinləşdirməsi bu formatda müzakirə olunubmu? Və sair və ilaxır...
Təbii ki, bu cür məsələlər açıq-aşkar söylənməz. Özəlliklə bizi Şimaldan və Cənubdan məngənə kimi sıxan iki qonşu dövlətlə bağlı detallar... Lakin açıqlana biləcək əsas məsələlər bu dəfə ən uyğun modeldə təqdim edildi: cəmiyyətin və medianın informasiya təminatı sürətli, effektli və birbaşa oldu! Öz efirlərimiz üzərindən, hətta (kəsintili də olsa) canlı yayın rejimində!
Daha erməni Telegram kanallarından və Paşinyanın yaxın ətrafının sosial media hesablarından almadıq ilk məlumatları. Bu, çox mühüm detaldır! Ermənilərə informasiya təxribatı imkanı vermədik! Bəllidir ki, onlar sahədə, döyüş meydanında uduzduqları üçün revanşı informasiya və diplomatiya müstəvilərində axtarırlar. İmkan tapan kimi provokativ əməliyyatlar icra edirlər. Bu dəfə istisna oldu: Prezident Əliyev özü nə zaman səhnədə olursa, infoməkana məlumat təminatını da keyfiyyətli və operativ həll edir...
Görüş isə birmənalı Azərbaycanın xeyrinə oldu. Hər şey açıq və qətiyyətli şəkildə məğlub Paşinyanın və dünya mediasının üzünə deyildi!
Azərbaycan Güney Qafqazda mövqeyindən bir addım da çəkilmir, güzəşt etmir. Avropa platformasında isə mövqelərini Münxen Təhlükəsizlik Konfransı ilə daha da möhkəmləndirdi! Bu platforma sanki bizə düşərlidir! Eynilə 2020-ci ilin 15 fevralına təsadüf edən Münxen Konfransı kimi: düşmən Paşinyanın timsalında əzildi, haqlı mövqelərimiz dünyaya birbaşa və təsirli şəkildə bəyan edildi, hakim durumda olan erməni dostu qlobal güclər yaxşı ifadə olunan mötəbər faktların, haqlı mövqenin qarşısında tərk-silah edildi.
Bundan sonrası aydındır: dönüb qalıcı sülh naminə hərbi rıçaqları da işə salmaq olar!
Əgər Ermənistan bundan sonra da təxribat və destruktivliyini davam etdirsə, regionda qlobal müharibələrin bazası kimi qalsa, İranla birlikdə Azərbaycana təhdid yaratmaq təşəbbüslərini artırsa... Yəni Münxen Konfransı Azərbaycana bundan sonra nə etsə, qalıcı sülhü təmin etmək üçün hansı varianta əl atsa, ona legitimlik yaratdı!
Eynilə üç il öncə olduğu kimi: 2020-ci ilin 15 fevral tarixli Münxen Konfransında Paşinyanın "Kokeyşn Büro"sundan Vətən Müharibəsinə dəvətnamə çıxdı... Bizə isə müjdə...
Rauf ARİFOĞLU 
YAZARIN DİGƏR YAZILARI
27 Iyul 2024
22 Iyul 2024
31 May 2024
03 Mart 2024
26 Fevral 2024
25 Fevral 2024
21 Fevral 2024
09 Fevral 2024
27 Yanvar 2024
14 Yanvar 2024
10 Yanvar 2024
24 Dekabr 2023
27 Oktyabr 2023
23 Oktyabr 2023
17 Oktyabr 2023
28 Sentyabr 2023
19:54
Tarix yazdıq, tarix yaratdıq - adına indi ‘’status-kvo’’ deyirlər... - Rauf Arifoğlunun yazısı
13 Sentyabr 2023
05 Sentyabr 2023
30 Avqust 2023
21:10 Parisin meri Gorusa niyə gəldi? "Fransız əsilli ermənilər" Ağdam yolunu bağlada bilərmi? VİDEO
22 Iyul 2023
18 Iyun 2023
03 Aprel 2023
29 Mart 2023
16 Mart 2023
19 Fevral 2023
15 Fevral 2023
10 Noyabr 2022
09 Noyabr 2022
28 Oktyabr 2022
ŞƏRHLƏRŞƏRH YAZ