Onlayn ictimai-siyasi qəzet
Məğlubiyyət irsinin varisləri
İlki 1096, sonuncusu 1270-ci ildə olmaqla Günbatardan Gündoğara - Avropa xaçlılarından İslam dünyasına (bəlli fasilələrlə 200 ilə yaxın müddətdə davam etmiş) 8 səlib yürüşü olub və ən ilki kimi sonuncusu da darmadağınla bitib!
Səfərə ilk dəfə Fransanın Amyen şəhərindən olan keşiş Pyerin (və cəngavər Valterin) başçılıq etdiyi, təxminən iyirmi min nəfərdən ibarət ordu çıxıb. 1096-cı ilin mayında başlayan yürüş iştirakçıları, həmin ilin oktyabrında, indiki Türkiyənin İzmir şəhəri yaxınlığında Səlcuqlar tərəfindən tamamilə darmadağın edilib. İlk yürüşdən sağ qalan çox az sayda səlibçi isə dabanına tüpürərək geri qaçıb.
Sonuncu səlib yürüşünü 1270-ci ildə (aşırı dindarlığı ilə seçilən) Fransa kralı IX Lüdoviq başladıb. Bu dəfə rota Yaxın Doğuya deyil, Tunisə olub. Gəmilərlə qıyıya yan alan kral şəhəri mühasirəyə alıb. Gəl gör ki qəfil baş verən epidemiya sonucunda kral da, onun oğlu və bir çox əsilzadə də cəhənnəmə vasil olub. Sağ qalanlarsa, adıyaman və anlamsız mühasirəni ataraq Fransaya qayıdıb. Beləliklə, səlib yürüşləri “epopeyası” acı sonluqla başa çatıb.
Qüdsün 1187-ci il oktyabrın 2-də əfsanəli sərkərdə (bir çox araşdırmaçının Azərbaycan kökənli olduğunu bildirdiyi) Səlahəddin Əyyubi tərəfindən fəth edilməsi (xaçlıların işğalından qurtarılması) qoca tarixin unutmadğı ən parlaq, altun səhifələrdəndir.
Səlibçilərin qərinələr boyu sürən yürüşlərlə əldə etdiyi sonucları - onların işğalçı hakimiyyətlərini Misirin qıpçaq sultanı Baybars, onun davamçıları (ondan sonra taxta çıxan sultan Kalavun, sultanın oğlu əl-Məlikul-Əşrəf) tamamilə sıfırlayıb.
Bəli, daha çox Fransadan “qanadlanan” səlibçilərə, tarix boyu, əsasən, türklər tərəfindən dərs(lər) verilib!
İndi fransızların kiçik bacıları - haylar “səlibçilər” adı ilə bizim Laçına doğru yürüyüş əyləmi içindəymiş. Feodal dönəminin məğlubiyyət irsini üstlənən, darmadağından doymayan zehniyyətə nə deyəsən? Deyəsən, başları Dəmir Yumruq üçün giyişir.
Dəmir Yumruq Yerindədir!
DÖVLƏTİMİZ ZAVAL GÖRMƏSİN!
Əkbər Qoşalı ƏLAQƏLİ XƏBƏRLƏR
YAZARIN DİGƏR YAZILARI
18 Noyabr 2024
12 Noyabr 2024
08 Noyabr 2024
07 Noyabr 2024
28 Oktyabr 2024
25 Oktyabr 2024
20 Oktyabr 2024
18 Oktyabr 2024
15 Oktyabr 2024
09 Oktyabr 2024
27 Sentyabr 2024
25 Sentyabr 2024
20 Sentyabr 2024
16 Sentyabr 2024
31 Avqust 2024
26 Avqust 2024
25 Avqust 2024
20 Avqust 2024
16 Avqust 2024
08 Avqust 2024
02 Avqust 2024
30 Iyul 2024
28 Iyul 2024
21 Iyul 2024
18 Iyul 2024
13 Iyul 2024
12 Iyul 2024
08 Iyul 2024
05 Iyul 2024
26 Iyun 2024
ŞƏRHLƏRŞƏRH YAZ