Onlayn ictimai-siyasi qəzet
İlqar Məmmədov ona xəyanət edənləri də siləcəkmi...
Camaat ondan nə gözləyirdi, o nə etdi...
Məni dostluğundan çıxartdı.
İlqar Məmmədovun türmədən çıxandan bəri ən böyük ictimai-siyasi addımı budur.
Zati-möhtərəm haqqımda bu cümlələri ifadə edib: "İlham Əliyevdən orden-medal almış bütün siyasi şəxsləri sosial şəbəkədə friend siyahımdan çıxarıram. Rauf Arifoğludan başladım, "Yeni Müsavat" qəzetinin redaktorundan. Friendlərdən belələri varsa və mən hələ bilmirəmsə, bir zəhmət, özləri çıxsın".
Bu adamdan heç zaman normal bir şey gözləməmişəm. AMİP-də olanda da, sonra da. Adam bir siyasi ipləmədir. Onurğası sındırılmış, təəhhüd götürərək, siyasətdəki daha yekə Məmmədovun öhdəliyinə buraxılmış birisindən nə gözləmək olardı ki...
Amma məntiq və faktla baxdıqda, İlqar Məmmədov təmizləmə işinə türmədən çıxan kimi başlamalı idi. Və məndən, Facebook dostluğunda olan “medalçılar”dan deyil, ən yaxınında olanlardan, ona gerçəkdən və hərmənalı xəyanət edənlərdən... Onlara kameralar önündə sarılanda, mən onsuz da ona qiymət biçmişdim...
Onun üstündə haqqımız var. 5 il 6 ay ərzində "Yeni Müsavat" Allahın hər günündə ona dəstək oldu. Müxbirlərimiz, redaktorlarımız dəfələrlə Şəkiyə qədər, məhkəmələrinə gediblər. Ona xəyanət edən yaxınlarının acısını yaşadığı o əzablı günlərdə, hansında ki, məlumatları yeni almışdı və canı-ruhu acıyırdı, biz onun adını və əlini buraxmadıq. Əməkdaşımız Cavanşir Abbaslı mənim tapşırığımla bu illər ərzində hər gün onunla bağlı xəbər və müdafiə mətnləri hazırladı. Mən də bəzi müqavimətlərə, təhlükə və xəbərdarlıqlara baxmayaraq, israrla və son günə qədər onu müdafiə etdim.
Beləyəm. Darda olana hər zaman əl uzadaram, dayaq və dəstək olaram. Reklam etmədən, yaymadan, qarşıdakını əzmədən. Bir Allah bilsin, o da yetər.
Məsələn, Əli Kərimli bu yaxınlarda həbs olundu. İçəridən çıxana qədər, kənardan nə qədər yazı göndərilsə də, nə qədər qaralayıcı məlumatlar ötürülsə də, bir sətir də buraxmadım. Anbaan xəbərlərini yaydım. Bir cümlə də onu aşağılaya biləcək, ya da işini zorlaşdıracaq ifadə işlətmədim. Həbsini də doğru bulmadım və fikirlərimi gərəkən yerlərə söylədim. Yalnız çıxandan sonra deputat Elşən Musayevin (redaksiyanın deyil) bir yazısını buraxdım. Çünki daha darda deyildi, həyatına və azadlığına təhlükə yox idi. Üstəlik, adam o qədər kinli, o qədər qeyri-adekvat və Allahsızdır ki, onsuz da belə jestləri anlayacaq, dəyərləndirəcək halda da deyil. Bunlarda bütün ölkəni əhatə edə biləcək, hər kəsi qucaqlayacaq nə zəka var, nə də ağıl.
İlqar Məmmədov Əli Kərimlinin yanındakı virtual militanlardan biri kimi şeydi. Zəka qohumudurlar bunlar. Danışarlar, özlərini qızışdırarlar, qaz verərlər bir-birilərinə, sonra da “gəlirik”moduna girib, oradan heç çıxa bilməzlər.
Və İlqar Məmmədov həbsdən çıxanda Cavanşir yenə onun yanındaydı. İlqar və Xanımı ona və qəzetə minnətdarlıq edib, üstəlik, eksklüziv müsahibə də verib. Onlar hamısı arxivimizdə qalır.
Aylar keçib, Bəy birdən-birə “feys”ini təmizləməyə qərar verib. İlk ağlına gələn də Rauf Arifoğlu olub. “Feys”ini pis göstərirəmmiş...
“Feys”in qara olsun, buynuzun qırılsın, sənin ağlını balla yesinlər, İlqar! Səni Allah silib, cəzanı da ömürlük kəsib. Heyfini məndən niyə çıxırsan ki?
Məşhur anektodda deyildiyi kimi, axı mən “heç orda olmamışam...".
Rauf ARİFOĞLU 
YAZARIN DİGƏR YAZILARI
27 Iyul 2024
22 Iyul 2024
31 May 2024
03 Mart 2024
26 Fevral 2024
25 Fevral 2024
21 Fevral 2024
09 Fevral 2024
27 Yanvar 2024
14 Yanvar 2024
10 Yanvar 2024
24 Dekabr 2023
27 Oktyabr 2023
23 Oktyabr 2023
17 Oktyabr 2023
28 Sentyabr 2023
19:54
Tarix yazdıq, tarix yaratdıq - adına indi ‘’status-kvo’’ deyirlər... - Rauf Arifoğlunun yazısı
13 Sentyabr 2023
05 Sentyabr 2023
30 Avqust 2023
21:10 Parisin meri Gorusa niyə gəldi? "Fransız əsilli ermənilər" Ağdam yolunu bağlada bilərmi? VİDEO
22 Iyul 2023
18 Iyun 2023
03 Aprel 2023
29 Mart 2023
16 Mart 2023
19 Fevral 2023
15 Fevral 2023
10 Noyabr 2022
09 Noyabr 2022
28 Oktyabr 2022
ŞƏRHLƏRŞƏRH YAZ