Onlayn ictimai-siyasi qəzet
27 oktyabr 1993...
27 oktyabr, 2003...
27 oktyabr, 2018.
25 il öncə, bu gün və bu saatlarda Tovuz yolçuluğumuz vardı. Ailə böyükləri qərarı vermişdi: ilk övladımız Tovuzda doğulsun...
Hava çox soyuqdu, arada qar atırdı, bizsə müqəddəs bir iş üçün yol başlatmışdıq.
Hər şey gözəl oldu və Allah bizə Dünya adlı ilk övladımızı verdi. Həmin günün sabahı Tovuza elə gözəl qar yağmışdı ki...
İndi Azərbaycanın mükəmməl təhsil almış, Tovuz doğumlu gənc bir hüquqşünası var...
*****
Dünyam 10 yaşındaydı. Yenə oktyabrın 27-i idi. İstintaqa çağlrdılar və həbs etdilər. 2003-cü il hadisələrində əsas suçlu kimi göstərildim. Efir mənə qarşı qəzəb və tələb püskürürdü: "tutulsun" deyən də vardı, "asılsın" bağıran da.
Yekə yekə insanları televizora çıxardıb, "bizi Rauf Arifoğlu öyrətdi", deyə, onları ifadələrə məcbur edirdilər. İndi bir çoxları var ya, özlərini bərkgedən mıxalifətçi, mənisə "iqtidar adamı" bəlirləyirlər. Onların çoxunu mənə görə o qədər döyüblər ki... Bir çoxlarının məni sevməməsinin, hər fürsətdə kürəyimi xəncərləməsinin əsas səbəbi də budur.
Onların arasında "mətin və dönməz müxalifətçilər" də var və hazırda düşərgə başındadırlar. Arada yazdıqları ciddi -ciddi şərhlərin altında uçaq -muşağa ünvanıma "satqın" yazdırırlar, ondan "kayf" tuturlar...
*****
25 il sonra yenə Tovuz yolu. Eyni gün, eyni saat...
Can dostum Novruz Əmi üçün gedirəm. İki gün sonra vəfatının 40-cı günü olacaq.
Əmi bizi bu fani və etibarsız dünyada buraxıb, haqq dünyasına köçdü.
Məni heç zaman heç bir şeydə sorğulamayan, yarğılamayan, atdığım bütün addımları, bütün manevrləri, bütün gedişləri dəstəkləyən, yanımda olan, haqq verən, qoruyan can dostum!
Sovetlər dönəmindən başlayan və bugünlərə qədər gələn, çox sınaqlardan çıxan ideal bir dostluq!
Azərbaycanda ikinci nümunəni görmədim.
Çünki Novruz Əmi kimisi yoxdu, olmayacaq da.
Dost kimi də, qardaş kimi də, vətəndaş və ata kimi də o, təkrarsız və möhtəşəmdi!
Zabit və komandan kimi isə Novruz Həsənli çox yüksək səviyyəli idi.
Azərbaycan və Tovuz uğrunda döyüşlərin, erməni işğalçılarına qarşı vətən müharibəsinin gerçək qəhrəmanı idi!
*****
Bozalqanlı köyündəki o məzarda Turan sevdalı, Tovuz doğumlu şərəfli bir Azərbaycan zabiti yatır. O məzarı ziyarət edib, üstündə dua oxumağı Allah hər bir Azərbaycan övladına nəsib etsin!
27 Iyul 2024
22 Iyul 2024
31 May 2024
03 Mart 2024
26 Fevral 2024
25 Fevral 2024
21 Fevral 2024
09 Fevral 2024
27 Yanvar 2024
14 Yanvar 2024
10 Yanvar 2024
24 Dekabr 2023
27 Oktyabr 2023
23 Oktyabr 2023
17 Oktyabr 2023
28 Sentyabr 2023
19:54
Tarix yazdıq, tarix yaratdıq - adına indi ‘’status-kvo’’ deyirlər... - Rauf Arifoğlunun yazısı
13 Sentyabr 2023
05 Sentyabr 2023
30 Avqust 2023
21:10 Parisin meri Gorusa niyə gəldi? "Fransız əsilli ermənilər" Ağdam yolunu bağlada bilərmi? VİDEO
22 Iyul 2023
18 Iyun 2023
03 Aprel 2023
29 Mart 2023
16 Mart 2023
19 Fevral 2023
15 Fevral 2023
10 Noyabr 2022
09 Noyabr 2022
28 Oktyabr 2022
ŞƏRHLƏRŞƏRH YAZ