Onlayn ictimai-siyasi qəzet
“Zəngəzur qatarı”nın altında qalanlar – Xocalı canisi gör nəyi “kağız parçası” adlandırır?
Ermənistanın ikinci prezidenti, Xocalı hərbi canisi Robert Koçəryan yenə “xortlayıb”. Rusiyanın sadiq tulası, çoxdan tarixin zibilliyinə atılmış bu siyasi meyit bu gün İrəvanda keçirdiyi mətbuat konfransında növbəti dəfə bölgəyə bağlı bir sıra mühüm proses və olayları öz bildiyi kimi şərh edərək, ictimai rəyi çaşdırmağa çalışıb.
Məsələn, Köçəryan avqustun 8-də Vaşinqtonda ABŞ prezidenti Donald Trampın qarantorluğu ilə imzalanmış məlum sənədləri, özəlliklə paraflanmış sülh sənədini hədəfə alaraq gözdən salmağa cəhd edib. Onun iddiasına görə, əldə edilən razılaşmalardan yalnız ABŞ və Azərbaycan uduşda olub, Ermənistan hakimiyyəti isə yalnız “xalqı növbəti dəfə aldatmaq imkanı” qazanıb.
“Birləşmiş Ştatlar gələcək dəhliz üzərində nəzarəti, İranla sərhədə effektiv nəzarət və Trampı Nobel mükafatına namizəd göstərmək imkanı əldə edib. Azərbaycan Ermənistan ərazisindən dəhliz hüququ, Minsk Qrupunun buraxılması və 907 saylı düzəlişin ləğvinə nail olub”, - Köçəryan bildirib.
O, bir az da qabağa gedərək, sənədlərdə Ermənistanın xeyrinə heç nə görmədiyini deyib: “Heç nə, sıfır. Yalnız problemlər. Bircə Paşinyan Trampın imzası olan fotoşəkil, eləcə də heç bir hüquqi qüvvəsi olmayan və erməni xalqını növbəti dəfə aldatmağa imkan verən kağız əldə edib”...
Beləcə, bu faşist xislətli cani Ağ Evdə imzalanan, Tampın da imzası duran sənədləri kağız parçası adlandırır. Yəni işarə vurur ki, hakimiyyət radikal-revanşistlərin əlinə keçsə, həmin sənədlər işləməyəcək, sıfırlanacaq.
Amma yaxşı ki, radikal müxalifətin və ya “müharibə partiyası”nın Nikol Paşinyanı və onun partiyasını seçkilərdə udmaq şansı yoxdur. Hakimiyyəti zorla devirməyə isə ən azından ictimai rəy zəmin yaratmalı, erməni xalqı razılıq verməlidir. Bu da yoxdur, hiss olunmur.
Yeri gəlmişkən, bu gün Paşinyan üç sələfini - Köçəryanı, Sərkisyan və Ter-Petrosyanı yenə də açıq debata çağırıb. Çünki öz mövqeyinin, sülh gündəliyinin güclü olduğuna inanır. Məhz bu gündəliyin erməni xalqını çoxdan gözlədiyi təhlükəsizliyə, rifaha qovuşduracağına əmindir, nəinki yeni müharibə və toqquşmalara.
Xocalı hərbi canisi, digər qırğılar isə bu zavallı toplumu məhz ikinci yola sürükləmək istəyirlər. Yenidən. Amma sorğular göstərir ki, Qarabağ klanına, revanşist dəstəyə cəmiyyətdə inam-etimad hələ də qat-qat aşağıdır. Doğrudur, Paşinyan hökuməti də hazırda yüksək reytinqə sahib deyil. Ancaq yenə radikal müxalifətdən bir neçə dəfə nüfuzludur...
Ötə yandan, Vaşinqtonda imzalanan sənədlərə qarşı Ermənistanda kütləvi heç bir etirazın olmaması da göstərdi ki, Nikol doğru yoldadır. O ki qaldı Ermənistanın qazancına, Köçəryanın nə çərənləməsindən asılı olmayaraq, Ağ Evdə sülh sənədinin paraflanması ilə, üçlü Birgə Bəyannamənin imzalanması ilə iki xalqın barışığı yönündə çox vacib, tarixi addım atılıb. Müharibə riski faktiki sıfırlanıb. Həmçinin qəti şəkildə əminlik yaranıb ki, radikalların iddia elədiyi kimi, Azərbaycanın Ermənistana hücum eləmək kimi bir planı, niyyəti yox. Əksinə, Bakı tezliklə sülh müqaviləsinin imzalanması, diplomatik əlaqələrin qurulması, sərhədlərin və yolların açılmasının tərəfdarıdır.
Azdır? Ermənistan üçün ən böyük qazanc da elə budur. Köçəryan çaplı müharibə canilərinin bunu baş-ayaq təqdim eləmi isə əlbəttə ki, məkrli niyyətdən xəbər verməklə yanaşı, gündəmi radikal müxalifətin xeyrinə dəyişmək üçün ucuz bir cəhddir.
Aydındır ki, Azərbaycan-Ermənistan, ardınca Türkiyə-Ermənistan barışığa Rusiyanın Ermənistan daxil, Günry Qafqazda təsirlərini minimuma endirəcək. Bu da ipi Kremlə bağlı köçəryanları əlbəttə ki, məmnun edə bilməz. O səbəbə təlaş içindədirlər. Ağ Evdə imzalanan sənədlərin önəmini kiçiltmək üçün əllərindən gələni edirlər.
Boşuna cəhdlərdir. Qatar artıq gedib. Köçəryanlar isə siyasi reabilitasiyası mümkünsüz olan, “Zəngəzur qatarı”nın altında qalan siyasi meyitlərdir...
Analitik xidmət,
Musavat.com
ƏLAQƏLİ XƏBƏRLƏR
XƏBƏR LENTİ
08 Oktyabr 2025
07 Oktyabr 2025
ŞƏRHLƏRŞƏRH YAZ