Onlayn ictimai-siyasi qəzet
Yasda halva, çay-çörək yedik, gözüm qaralmağa başladı
Gəncədə yas mərasimində baş vermiş zəhərlənmə hadisəsinin bəzi detalları məlum olub.
Musavat.com-un “Baku TV”yə istinadən verdiyi məlumata görə, zərərçəkən Eldəniz Cəfərov bildirib ki, hadisə şəxsi evdə, dostunun atasının yas mərasimində baş verib:
“Orada halva, çay-çörək yedik. Bir saat keçmədi ki, gözüm qaralmağa başladı, ürəyim bulandı. Daha sonra bizi xəstəxanaya gətirdilər”.
Gəncə Şəhər Xəstəxanasının şöbə müdiri İradə Dəmirova bildirib ki, müraciət edən xəstələrin əksəriyyəti bozartma, pomidor və yuxadan istifadə ediblər:
“Zəhərlənmənin səbəbi məlum deyil. Hər vəziyyətdə xəstələr gətirilir, durumu ağır olanlar da var. Təcili göstəriş almışıq. İlkin tibbi yardımlar göstərilir. Ölüm hadisəsi qeydə alınmayıb”.
Qeyd edək ki, yas mərasimində zəhərlənənlərin sayı 105 nəfərə çatıb.
Musavat.com
XƏBƏR LENTİ
23 Noyabr 2024
ŞƏRHLƏRŞƏRH YAZ