Onlayn ictimai-siyasi qəzet
Ukraynada həbsdə saxlanan qazi Misir Qasımlının vəkili DANIŞDI
Xəbər verdiyimiz kimi, II Qarabağ müharibəsi iştirakçısı Misir Qasımlı 1 il yeddi aydır ki, Ukraynada həbsdə saxlanır. 19 oktyabr və 20 oktyabr tarixlərində Ukraynada Vətən müharibəsi iştirakçısı Misir Qasımlının məhkəmələri keçiriləcək.
Musavat.com xəbər verir ki, bunu bir il yeddi aydır Ukraynada həbsdə saxlanan azərbaycanlı qazi, Vətən müharibəsinin iştirakçısı Misir Qasımlının vəkili Aygül Rəfiyeva ”Yeni Gundem"ə açıqlamasında deyib.
Musavat.com olaraq Aygül Rəfiyevanın açıqlamasını təqdim edirik:
“18 may 2021-ci il tarixində seçilmiş həbs qəti imkan tədbirinin uzadılması ilə bağlı məsələyə baxılıb. Kiyev Apellyasiya Məhkəməsi Misir Qasımlının və Sübhan Quliyevin həbsdə saxlanılmasının qanunsuz olduğunu təsdiqləyib. Bu barədə qərar verib.
Buna baxmayaraq, ondan sonrakı prosesdə birinci instansiya məhkəməsi, yəni Obuxov Rayon Məhkəməsi onları həbsdən azad etmədi. Hazırda ayın 19-a növbəti məhkəmə prosesi təyin edilib. Məhkəmədə mahiyyəti üzrə işə baxılacaq. Onların həbsdən azad olunma məsələsi yenidən qaldırılacaq. Ayın 20-də isə seçilmiş həbs qətimkan tədbiri üzrə şikayətə baxılacaq”.
Qeyd edək ki, Ukraynadakı diasporumuzun fəal liderlərindən olan Hikmət Cavadov da məhkəmədə iştirak edib. O, şəxsi zaminliyə götürülmə ilə bağlı məsələ qaldırsa da, təəssüf ki, məhkəmə həmin vəsatəti rədd edib.
Musavat.com
XƏBƏR LENTİ
04 Oktyabr 2024
ŞƏRHLƏRŞƏRH YAZ