Onlayn ictimai-siyasi qəzet
Türk Ağsaqqalları Birliyinin (TAİB) təsisçisi, Missiya Media Qrupunun rəhbəri Ramin Əhmədov Türkiyənin Azərbaycandakı səfiri cənab Cahid Bağcı ilə görüşüb.
Musavat.com-un xəbərinə görə, Türkiyə Səfirliyində keçirilən görüşdə Ramin Əhmədov səmimi qarşılanmaya görə cənab səfirə təşəkkürünü bildirib, qardaş ölkənin səfirliyində olmaqdan məmnunluq hissi keçirdiyini deyib.
Görüşdə Türk Ağsaqqalları Birliyi - TAİB-in fəaliyyəti, həyata keçirilmiş layihələr və qarşıdakı planlar barədə Cahid Bağcıya ətraflı məlumat verilib.
Söhbət əsnasında TAİB-lə Türkiyə Səfirliyi arasında əməkdaşlıq imkanları və TAİB İdarə Heyətinin üzvləri ilə görüşün keçirilməsi də nəzərdən keçirilib.
Görüşdə TAİB-in İcra Aparatının rəhbəri Nicat Dağlar və TAİB sədrinin xarici əlaqələr üzrə müavini Elnur Eltürk də iştirak edib.
Musavat.com
12 Oktyabr 2024
11 Oktyabr 2024