Onlayn ictimai-siyasi qəzet
Trampın müşavirindən ŞOK: Dövlət sirləri Gmail-də müzakirə olunub
ABŞ-ın Milli Təhlükəsizlik Şurasının üzvləri, o cümlədən Prezident Donald Trampın müşaviri, dövlət işlərini şəxsi Gmail hesabları vasitəsilə müzakirə ediblər.
Musavat.com xəbər verir ki, bu barədə "The Washington Post" nəşri sənədlərə və mənbələrə istinadən yazır.
Məlumata görə, Tramp administrasiyasının yüksəkvəzifəli şəxsləri, xüsusilə də Maykl Uoltsun baş müşaviri Google poçtu vasitəsilə digər dövlət agentliklərinin nümayəndələrinə hərbi məsələlərlə bağlı məktublar göndərib. Onlar Yəməndəki münaqişənin detallarını, qoşun mövqelərini və silah sistemlərini müzakirə ediblər.
Ekspertlər bildirirlər ki, belə həssas informasiyanın şəxsi poçtla ötürülməsi ciddi risk daşıyır. Xarici xüsusi xidmət orqanları dövlət rəsmilərinin yazışmalarına və cədvəllərinə xüsusi maraq göstərir.
Milli Təhlükəsizlik Şurasının sözçüsü Hyuz yayılan məlumatları təkzib edərək bildirib ki, Uolts və digər əməkdaşlar yalnız şifrələnmiş rəsmi platformalardan istifadə edirlər.
Hadisə ABŞ-da yeni siyasi qalmaqala səbəb olub.
Musavat.com
XƏBƏR LENTİ
03 Aprel 2025
ŞƏRHLƏRŞƏRH YAZ